مؤشر مديري المشتريات لشهر أبريل 2020 يشير إلى انهيار السوق المصري

الثلاثاء 05 مايو 2020

طبقاً لمؤشر مديري المشتريات، اللي سجل 29.7 في شهر أبريل، تدهورت حالة السوق المصري تماماً بسبب أزمة فيروس كورونا المستجد واللي أدى إلى فرض حظر تجوال وانهيار السياحة الداخلية والخارجية، وبكدة نزل 14.5 نقطة من شهر مارس اللي سجل فيه 44.2. وده يعتبر أقل مستوى نزل له المؤشر من 9 سنين تقريباً.


يعني إيه مؤشر مديري المشتريات؟ وامتى بيبقى كويس؟

مؤشر مديري المشتريات هو طريقة لقياس تطور القطاع الخاص من ناحية الحركة الاقتصادية، لما المؤشر بيوصل لـ50 أو أكتر، فده معناه إن في توسع في السوق، وتحسن عام للصناعات والخدمات.

 المفروض إن بيتم استطلاع مديري المشتريات لعدد من شركات القطاع الخاص، والمؤشر بيركز على الصناعات والخدمات الغير متعلقة بقطاع البترول.


إيه فايدة المؤشر؟

المؤشر بيفيد الشركات في تحديد حركة السوق المستقبلية بمعنى هل المفروض يتوقعوا زيادة في المبيعات، وعلى أساسه بيحددوا حجم مشترياتهم للشهور الجاية.


المؤشر في الـ6 شهور اللي فاتوا:

مارس 2020

44.2

فبراير 2020

47.1

يناير 2020

46

ديسمبر 2019

48.2

نوفمبر 2019

47.9

أكتوبر 2019

49.2

 

لو حابب تعرف أكتر عن مؤشر مديري المشتريات،اضغط هنا.