تعرف إيه عن تجارة الجبنة؟

تاريخ النشر: في طرائف وعجائب

تعرف إيه عن تجارة الجبنة؟

اعرف أكتر عن تجارة الجبنة العالمية وتأثيرها على الاقتصاد في الدول المختلفة

الجبنة بتعتبر من أكتر المنتجات الغذائية المنتشرة حوالين العالم بأنواعها المختلفة، بتحب كام نوع منها؟

 

تاريخ الجبنة!

 

الجبنة اكتشفت بالصدفة من 5500 سنة قبل الميلاد في بولندا  لما كانوا بينقلوا اللبن في أكياس مصنوعة من معدة الحيوانات، والعملية دي كانت بتخلي اللبن يتخمر ويتحول لـ مادة صلبة، للي هى الجبنة، ولاقوا ساعتها ان دي أحسن طريقة يحافظوا بيها على اللبن لأطول فترة ممكنة.

 

تأثير الجبنة على الإقتصاد!

 

في بداية 2020  فيه فنادق ومطاعم كتير قفلت  بسبب كورونا وبالتالي في ناس سابت شغلها أو مرتباتهم قلت، وده اثر على الاقتصاد بشكل كبير وعلى نسبة استهلاك المواطنين للجبنة، بس الطلب على الجبنة بيزيد ومتوقع ان الاستهلاك يزيد بـ معدل سنوي مركب بنسبة 0.06%+ لحد 2030، وده بيدي أمل أن المنتجات الاستهلاكية تعدل من الاقتصاد الغير مستقر بسبب الفيروس.

 

اعلى دول إنتاجاً للجبنة:

 

المرتبة الأولي : الولايات المتحدة بنسبة 24% من الإنتاج العالمي

 

المرتبة التانية : ألمانيا بنسبة 17.4% من الإنتاج العالمي

 

المرتبة التالتة : فرنسا بنسبة 6.4% من الإنتاج العالمي

 

يعني اجمالي إنتاج الـ 3 دول بيوصل لحوالي 46% من نسبة الإنتاج العالمي.

 

بعدهم بتيجي دول تانيه كتير زي بريطانيا ومصر وبولندا وايطاليا وروسيا وكندا وحصتهم كلهم بتوصل لـ 26% من نسبة الإنتاج العالمي.

 

 

الولايات المتحدة من أكبر الدول إنتاجا للجبنة بنسبة 24% من الإنتاج العالمي

 

 

وبالنسبة للدول اللي بتصدر فـ هما:

 

المرتبة الأولي : ألمانيا وقيمة الصادرات بتوصل لـ 3.753 مليار دولار

 

المرتبة التانية: هولندا وقيمة الصادرات بتوصل لـ  3.418 مليار دولار

 

المرتبة التالتة: فرنسا وقيمة الصادرات بتوصل لـ 3.359 مليار دولار

 

وتعتبر هولندا من أكتر الدول اللي بتأثر الجبنة على اقتصادها، خصوصا في مجال السياحة، لأن كل سنة عندها مهرجان للجبنة بيستمر لدة شهر، بيكون الاحتفال بيه في الشوارع من خلال عرض العينات المجانية لأنواع الجبنة المختلفة، وعشاق الجبنة من العالم كله بيزوروا هولندا في الوقت ده عشان يشاركوا شعبها الاحتفالات.


اختيار المحررين