3 سيدات مشهورة في عالم الإقتصاد بمصر

تاريخ النشر: في طرائف وعجائب

3 سيدات مشهورة في عالم الإقتصاد بمصر

سيدات قدرت تمسك مناصب عالية في عالم الاقتصاد

"المرأة في القيادة" وده الموضوع اللى اختارته هيئة الأمم المتحدة لـ يوم المرأة العالمي في 2021، وده بسبب إن تطور المرأة يوم بعد يوم خلاها قادرة على التحدي. وفي سيدات كتير نجحت يكون ليها بصمة قوية في مجالات كتير وأهمهم الاقتصاد.

والمرأة المصرية بعد سنين طويلة في التعليم، قدرت تستغل الفرصة وتدخل السوق المصري وهي واقفة على أرض صلبة.

هنعرفكم انهاردة 8 مارس، يوم المرأة العالمي، على 3 من أشهر السيدات اللي قدروا يحققوا نجاح كبير في مجال الاقتصاد في مصر.

 

دكتورة هالة السعيد:

 

بدأت رحلتها لما دخلت كلية الاقتصاد والعلوم السياسية، واتخرجت منها سنة 1978، وكملت مشوارها بين الماجستير والدكتوراه فى علم الإقتصاد.

قدرت دكتورة هالة تثبت نفسها  في مناصب كتير زي أنها أستاذة في الاقتصاد في جامعة القاهرة، وكانت عضو في مجلس إدارة البنك المركزي المصري، ودلوقتي هي وزيرة التخطيط والتنمية الاقتصادية فى مصر.

نجاحها موقفش عند المناصبها بس، لكن قدرت تساعد في بعض المشاريع القومية اللي ليها تأثير في الاقتصاد المصري، زي:

  • التعداد الوطني الأول للمؤسسات الصغيرة والمتوسطة في مصر
  • برنامج المسئول الحكومي المحترف

 

في سيدات كتير نجحت يكون ليها بصمة قوية في مجالات كتير وأهمهم الاقتصاد

 

نهى الغزالي: 

 

نهي الغزالي حاليا هي العضو المنتدب ورئيس الخدمات المصرفية الاستثمارية في فاروس، واحد من البنوك الاستثمارية المرموقة في مصر. ده غير أنها عضو مجلس إدارة في شركة الشرق الأوسط لصناعة الإزاز، وهي أكبر شركة لتصنيع إزاز الحاويات في مصر ومنطقة الشرق الأوسط وشمال أفريقيا وثاني أكبر شركة في أفريقيا مع تلات مصانع إنتاج.

 

ميرفت سلطان:

 

رحلتها كانت طويلة وعندها أكتر من 35 سنة خبرة فى المجال المصرفي. وقدرت تمسك مناصب عالية في مؤسسات المالية العالمية، زي بنك Deutsche، وبنك ومؤسسة هونج كونج Shanghai المصرفية (HSBC)، وبنوك إقليمية زي البنك الأهلي المتحد (AUB). ودلوقتي هي رئيسة بنك تنمية الصادرات المصري.


اختيار المحررين