أزمة EVERGREEN اللي خسرت مصر ملايين والعالم مليارات!

تاريخ النشر: في عالم المال

أزمة EVERGREEN اللي خسرت مصر ملايين والعالم مليارات!

سفينة بنمية تخسر قناة السويس الملايين يوميا!

حادثة مفاجئة نست العالم كله فيروس كورونا وجذبت أنظاره لمصر، بعد ما سدت سفينة الحاويات البنمية EVER GIVEN مدخل قناة السويس من يوم الثلاثاء الماضي، 23 مارس 2021، بسبب سوء الأحوال الجوية والعاصفة ترابية اللي هجمت على المنطقة و أدت  لفقدان التحكم في الناقلة و جنوحها، بحسب بيان لهيئة قناة السويس.

وأكد رئيس قناة السويس الفريق أسامة ربيع أن الخساير اليومية لقناة السويس بسبب تعطل الملاحة توصل ما بين  12 لـ14 مليون دولار يوميا.

 

عن EVER GIVEN:

 

السفينة البنمية تتبع الخط الملاحي EVERGREEN، وطولها يصل لـ 400 متر أو ما يعادل طول 4 ملاعب كورة، وعرضها 59 متر، وحمولتها الإجمالية تبلغ 224 ألف طن. وشارك في عملية تعويم إيفرغيفن لغاية دلوقتي 14 قاطرة بحرية، ومن المقرر أن ينضم ليهم قاطرات أكتر النهاردة .

 

أزمة عالمية:

 

السفينة الجانحة سببت أزمة عالمية علي مستوي قطاعات كتيرة، من أضرارها:

 

  • 3 مليار دولار هو حجم الخساير العالمية يوميا بسبب السفينة
  • في أكتر من 300 سفينة واقفين في انتظار فتح القناة
  • انهاء التزاحم علي مدخل قناة السويس هـ يحتاج لأسبوع بعد حل الأزمة 
  • شركات نقل كتيرة أضطر تلجأ لطريق رأس الرجاء الصالح لغاية حل الأزمة
  • مواعيد تسليم البضايع في خطر علي مستوي العالم كله، بما فيها السلع الاستهلاكية 

 

الخساير اليومية لقناة السويس بسبب تعطل الملاحة توصل ما بين  12 لـ14 مليون دولار يوميا

 

  • عن البي بي سي، متوقع استمرار تأثير الحادثة على عمليات الشحن العالمية لفترة طويلة حتى بعد تعويمها
  • عن مجلة لويدز ليست، القناة خسرت البضايع اللي بتمر منها يوميا وبيبلغ تمنها أكتر من 9.5 مليار دولار يوميا بمعدل 400 مليون دولار كل ساعة
  • عن نفس المجلة، قيمة البضايع المتأثرة بوقف حركة الملاحة في قناة السويس وصل لـ 400 مليون دولار في الساعة
  • يتوقع الخبراء أن في حالة اللجوء لتفريغ السفينة عشان يخفف وزنها الموضوع هـ يحتاج لأسابيع

 

 

عن قناة السويس:

 

تعتبر القناة واحدة من أهم خمسة مصادر للدخل القومي المصري من العملات الصعبة بعائدات سنوية وصلت لأكتر من 5.6 مليار دولار السنة اللي فاتت. وتعتبر من أكتر المصادر اللي عائداتها مستقرة مقارنة بعائدات السياحة والسفر والاستثمار الأجنبي وقطاعات التانية اللي عرضة للتأثر السريع بالأزمات زي أزمة فيروس كورونا مثلا. وتعتبر القناة واحدة من أهم الممرات المائية العالمية وأكترهم أمنا على السفن والحاويات اللي بتعتبر من أهم وسائل نقل السلع والبضايع للأسواق المختلفة.

 


اختيار المحررين