اعرف ايه الوظايف اللي هتساعدك تطور نفسك في المستقبل

تاريخ النشر: في عالم المال

اعرف ايه الوظايف اللي هتساعدك تطور نفسك في المستقبل

الشغل بيختلف من زمن لى زمن اتعرف اكتر عن وظايف المستقبل.

لو أنت لسة بتفاضل ما بين وظايف أو لسة مش عارف هتدرس إيه، أحسن حاجة ممكن تعملها إنك تدرس السوق وتشوف إيه الوظايف اللي ممكن العالم هيبقى محتاجها في الفترة اللي جاية وعلى أساس ده تقرر الوظيفة اللي أنت عايز تشتغلها أو الدراسة اللي أنت عايز تدرسها. 

 

1. مجال التشغيل الآلي

 

أغلب الخبراء متفقين إن الفترة اللي جاية هيبقى في تركيز شديد على إدراج الآليات في الحياة العملية أكتر وده كان مُخطط له من الأول لإنه بيضمن عدد ساعات شغل أكتر وبيقلل التكلفة للشركات، ولكن مع أزمة فيروس كورونا المستجد، الطلب على الآليات هيزيد بسبب عدم قدرة الإنسان على تأدية شغله من غير ما يواجه خطر الإصابة بالفيروس. وعشان كدة مجال التشغيل الآلي يعتبر واحد من المجالات اللي هتبقى مطلوبة جامد في الفترة اللي جاية.

 

2. مجال الطب

 

الناس عمرها ما هتبطل تحتاج لدكاترة ولكن مجال الطب أكبر من مجرد داكترة وممرضين، لإن في كمان الأبحاث الطبية ودي جزء مهم جداً من المنظومة الطبية وحالياً العالم محتاجها أكتر من أي وقت تاني، والمتوقع إن الحكومات في الفترة الجاية هتضخ فلوس كتيرة في مجال الأبحاث الطبية.

 

مع زيادة الاعتماد على الآلات، مجال الميكانيكا هيبقى مطلوب لإن زي أي آلة، فالروبوت بيبقى محتاج صيانة ولغاية ما يتم تطوير آلات تانية تشتغل على الصيانة، فالميكانيكين هيبقوا مطلوبين بشدة لضمان استمرار شغل الالات بدون مشاكل.

 

3. البرمجة

 

العالم في الـ10 سنين اللي فاتوا تحول تماماً، وبقى كل حاجة متاحة أونلاين أو على تليفونك في صورة تطبيقات ومواقع، وطبعاً مع الأزمة الأخيرة، بانت أد إيه الحاجات دي مهمة في تسهيل شغل ملايين من الناس ومساعدتهم على تحاشي النزول للشارع وبالتالي تقليل عدد المصابين، وعشان كدة لا يمكن العالم يستغنى عن البرمجيات في الفترة اللي جاية، ولكن الطلب عليها هيزيد أكتر.

 

4. مديرين الإنتاجية

 

بالرغم من إن في المستقبل هيبقى في اتجاه ناحية التشغيل الآلي ولكن ده مش معناه إن الناس مش هتشتغل خالص، ولكن بعض الوظايف هتنقرض وهيبقى في وظايف تانية مكانها، ومنها المديرين اللي بينظموا الشغل وبيراقبوا الإنتاجية سواي كانت إنتاجية الروبوت أو البني آدمين، وخصوصاً مع رواج فكرة الشغل عن بعد، فهيكون في احتياج حقيقي لحد ينظم الشغل ويحافظ على إنتاجية الشركات.

 

5. مجال الميكانيكا

 

مع زيادة الاعتماد على الآلات، مجال الميكانيكا هيبقى مطلوب لإن زي أي آلة، فالروبوت بيبقى محتاج صيانة ولغاية ما يتم تطوير آلات تانية تشتغل على الصيانة، فالميكانيكين هيبقوا مطلوبين بشدة لضمان استمرار شغل الالات بدون مشاكل.


اختيار المحررين