هل أنت محتاج دفتر شيكات؟
إيه المواقف اللي ممكن تحتاج فيها لشيك؟
الشيكات هي طريقة تانية للخصم المباشر من حسابك الجاري عن طريق إنك بتكتب مبلغ معين على الشيك بيصدر باسم الشخص أو المؤسسة اللي عايز تدفع لها المبلغ. الشيك هو عبارة عن أمر بتديه للبنك عشان يدفع لحد من حسابك.
زمان قبل ما الكروت البنكية تبقى متاحة، كان الشغل بالشيكات غالب في معظم الأماكن التجارية، ولكن دلوقت مع انتشار طرق كتيرة للدفع منهم التحويل الإلكتروني، وكروت الخصم المباشر، والكريدت كارد، أصبح التعامل بالشيكات مش منتشر للدرجة، وخصوصاً إن دلوقت الناس بدأت تنتقل من الكروت للدفع الإلكتروني عن طريق التليفونات المحمولة، يعني صعب أوي تلاقي محل بيقبل شيك، بس ممكن تلاقي محل بيقبل Apple Pay مثلاً.
الشيك دفعه مش فوري، فمن الممكن إنك بعد ما تصدر شيك توقفه، بس طبعاً ده بيحتاج اجراءات معينة، وسرعة تصرف منك، لإن أول ما الشيك بيتصرف مش هتقدر ترجع الفلوس.
ولكن طبعاً لو اتكلمنا عن حاجات مبالغها كبيرة زي بيت أو عربية أو صفقات تجارية، فالعكس بيكون صحيح، فالتعامل بالشيكات في المواقف دي بيبقى متوقع لإن مبالغ كبيرة زي دي صعب حد يقبلها كاش.
إيه المواقف اللي ممكن تحتاج فيها لشيك؟
- دفع مقدم على بيت أو عربية أو دفع المبلغ بالكامل.
- دفع مرتبات الموظفين. لو عندك شركة، ومش حابب كل شهر تدفع لهم كاش، ممكن تكتبلهم شيكات، وهم بيروحوا يصرفوا الشيكات من البنك.
- شغلك فيه صفقات كتير بمبالغ مالية عالية.
إيه فايدة الشيك؟
الشيك دفعه مش فوري، فمن الممكن إنك بعد ما تصدر شيك توقفه، بس طبعاً ده بيحتاج اجراءات معينة، وسرعة تصرف منك، لإن أول ما الشيك بيتصرف مش هتقدر ترجع الفلوس.
إيه المشاكل اللي ممكن تحصل؟
المشكلة الأساسية في استخدام الشيكات هو لو أنت كتبت شيك وبعد كدة رصيدك في البنك قل لإي سبب، لو الشخص اللي صادر له الشيك راح يصرفه وما كانش في رصيد كافي، ساعتها أنت بتقع في مشكلة مع البنك، وغالباً هتضطر تدفع غرامة للبنك.
