يعني إيه بطالة؟

يعني إيه بطالة؟

البطالة بتعتبر مؤشر مهم لاقتصاد أي دولة.

شارك

البطالة هي معناها إن شخص قادر على العمل وبيدور على وظيفة، ولكن هو مش قادر يلاقي وظيفة، والبطالة برضو بتضم الناس اللي تم فصلها عن العمل وماقدروش يلاقوا شغل تاني، أو تم فصلهم بشكل مؤقت ومستنين إنهم يرجعوا لشغلهم، وفي أغلب الأمور، الواحد بيعتبر عاطل عن العمل لو فترة البحث عن وظيفة عدت شهر.

 

البطالة جزء مهم من اقتصاد أي دولة

 

البطالة بتعتبر مؤشر مهم لاقتصاد أي دولة، وزيادة البطالة معناه إن البلد عندها مشكلة اقتصادية جامدة لإن السوق بينكمش جامد لدرجة إن الناس مش لاقية شغل، والبطالة برضو بتشير لنسبة المشاريع الجديدة اللي بتفتح وبتخلق وظايف جديدة للناس، فلو نسبة البطالة عالية ده معناه إن السوق راكد ومافيش حركة فيه.

 

لو نسبة البطالة قلت تماماً، فده ممكن يكون حاجة مش كويسة، لإنه بيشير إلى تشبع السوق، وعدم قدرة الشركات على إيجاد عمالة، وده ممكن يحصل في البلاد اللي عدد سكانها قليل، وبالتالي بيفتحوا باب الهجرة لجنسيات تانية ممكن تسد العجز اللي عندهم.

 

البطالة الزايدة معناها إنتاج متوقف

 

لو نسبة البطالة عالية فده معناه إن في إنحدار في الإنتاج العام وده طبعاً بيأثر على السوق، ولكن في نفس الوقت، الناس اللي مش لاقيين شغل بيحتاجوا الحاجات الأساسية للحياة زي الأكل والشرب والمسكن، وده معناه إن نسبة الاستهلاك مش بتقل، ولكن نسبة الإنتاج بتقل، وده بيعمل ضغط على السوق وبيخل من توازنه.

 

إيه معنى إنخفاض حاد في البطالة؟

 

لو نسبة البطالة قلت تماماً، فده ممكن يكون حاجة مش كويسة، لإنه بيشير إلى تشبع السوق، وعدم قدرة الشركات على إيجاد عمالة، وده ممكن يحصل في البلاد اللي عدد سكانها قليل، وبالتالي بيفتحوا باب الهجرة لجنسيات تانية ممكن تسد العجز اللي عندهم.

 

إزاي بيتم قياس نسبة البطالة؟

 

كل بلد بتختلف عن التانية، بس عادة بيتم قياسها عن طريق طلبات الدعم واللي بتشترط إن يكون مع الشخص دليل على كونه عاطل عن العمل. وفي العادي نسبة البطالة بتبقى أقل من 10%.

 

اختيار المحررين