ايه معنى دورة غسيل الأموال خطواتها ومرحل تطورها؟

تاريخ النشر: في عالم المال

 ايه معنى دورة غسيل الأموال خطواتها ومرحل تطورها؟

اعرف اكتر عن غسيل الأموال

غسيل الأموال هو معناه حد يدخل فلوس مصدرها غير قانوني السوق، عن طريق معاملات كتير بحيث يكون تتبع مصدرها شبه مستحيل، وبعد كدة الفلوس دي بترجع تاني لمصدرها عشان يقدر يستخدمها بطريقة شرعية.

 

يعني إيه فلوس مصدرها غير قانوني؟

 

يعني أي أرباح جاية من جرايم زي المخدرات أو إرهاب أو حتى سرقة، وعادة الفلوس دي بتبقى كاش، وعشان يقدروا يستخدموها بدون ما تلفت نظر الحكومات وطبعاً يقدروا يحطوها في بنوك، لازم يكون لها مصدر موثوق منه، خصوصاً إن البنوك لازم تبلغ عن أي إيداع كاش بمبالغ كبيرة.

 

دورة غسيل الأموال:

 

1. تقسيم الإيداع: بالطريقة دي بيقسموا الفلوس لمبالغ صغيرة ما تلفتش الانتباه وبعد كدة بيتم إيداعها في حسابات مختلفة، وممكن برضو يتم شراء حاجات زي عقارات أو عربيات بجزء من الفلوس، وممكن برضو يحصل الموضوع ده عن طريق تهريب الفلوس لبلاد تانية ما يكونش عندها إجراءات صارمة من ناحية إيداع الفلوس أو تحويلها.

 

العصر الإلكتروني برضو أدى لتغيير شكل غسيل الأموال خصوصاً بعد ظهور العملات الإلكترونية اللي الواحد ما بيبقاش عارف مصدرها أصلاً.

 

2. المعاملات المعقدة: وهي دخول الفلوس في سلسلة من المعاملات من بنك لبنك  أو مؤسسة مالية للتانية بحيث تتبع مصدر الفلوس بيبقى شبه مستحيل.

 

3. الدمج: هو دخول الفلوس السوق عن طريق معاملات تجارية قانونية، وعادة بتبقى عن طريق شركات وهمية، وكان في فيلم اتعمل على الموضوع ده متاخد من قصة حقيقية ، واسم الفيلم The Laundromat.

 

مرحلة جديدة لغسيل الأموال:

 

العصر الإلكتروني برضو أدى لتغيير شكل غسيل الأموال خصوصاً بعد ظهور العملات الإلكترونية اللي الواحد ما بيبقاش عارف مصدرها أصلاً.


اختيار المحررين