كل حاجة محتاج تعرفها عن عن طريقة دفع الضريبة العقارية

تاريخ النشر: في عالم المال

 كل حاجة محتاج تعرفها عن عن طريقة دفع الضريبة العقارية

أقساط الضريبة العقارية: قيمتها وطرق تسديدها

قبل كدة كنا اتكلمنا عن طبيعة الضريبة العقارية وازاي بتتحسب، فدلوقتي هنتكلم إزاي بتدفع الضريبة وفين، وإيه الإجراءات المتضمنة في العملية دي.

 

هتعرف إزاي قيمة الضريبة؟

 

المفروض إن بعد تقييم المبنى، بيتم إخطارك بجواب مسجل، وبعد كدة بيحق لك الطعن على التقييم في خلال 60 يوم لو أنت شايف إنه أكبر من حقه.

 

امتى هتدفع الضريبة؟

 

الضريبة السنوية بتتقسم على قسطين، أول واحد ممكن تسدده من يناير إلى نهاية يونيو، والقسط التاني من أغسطس إلى نهاية ديسمبر، وممكن إنك تسدد المبلغ بالكامل من الأول بدل ما تقسمه على مرحلتين.

 

قيمة الضريبة بتفضل زي ما هي لمدة 5 سنين إلا لو حصل تغيير بيأثر على المبنى، وساعتها لازم بيتم إخطار مصلحة الضرايب بالتغيير قبل نهاية السنة.

 

هل قيمة الضريبة بتختلف من سنة للتانية؟

 

قيمة الضريبة بتفضل زي ما هي لمدة 5 سنين إلا لو حصل تغيير بيأثر على المبنى، وساعتها لازم بيتم إخطار مصلحة الضرايب بالتغيير قبل نهاية السنة. وبعد 5 سنين لازم تقدم إقرار ضريبي قبل نهاية السنة الخامسة، وبعد كده بيتم إعادة تقييم الضريبة، وحسب القانون، الزيادة مش هتبقى أكتر من 30% للمباني السكنية و45% للمباني الغير سكنية.

 

بيتم دفع الضريبة فين؟

 

الضريبة بتدفع في مديريات الضرايب العقارية حسب المديرية اللي بيندرج فيها المبنى أو البيت. في استثناءات لو الشخص اللي عليه الضريبة غير قادر إنه ينزل يدفعها بسبب ظروف صحية، وساعتها بيقدم طلب وبيجيله محصل البيت، والمفروض إن بعد شوية الحكومة هتعمل نظام إلكتروني للدفع عشان تقدر تدفع أونلاين.


اختيار المحررين