إيه الأرخص في مصر: الدايت النباتي ولا الدايت العادي؟

إيه الأرخص في مصر: الدايت النباتي ولا الدايت العادي؟

هل الاستغناء عن اللحمة هيفيد ميزانيتك المالية؟

شارك

 

حالياً، بسبب الاحتباس الحراري والمشاكل البيئية، في حركات اجتماعية كتير  بتطالب بالتخلي عن أكل اللحوم وده بسبب إن تربية المواشي بينتج عنها غاز الميثان، اللي المفروض إنه بيأثر على الغلاف الجوي بطريقة سلبية أكتر من ثاني أكسيد الكربون. وعشان كدة أغلب النشطاء البيئين تخلوا عن أكل المنتجات الحيوانية بالكامل وبقوا نباتيين بالكامل وبيطالبوا إن بقية الناس تعمل زيهم. بس في نفس الوقت في ناس شايفة إن ده طلب غير واقعي لإن أغلب المنتجات النباتية غالية ومش في متناول الجميع. طيب في مصر، هل الدايت النباتي أرخص؟

 

  • الخضار في الأسواق أرخص من اللحمة

 

في مصر، أغلب الخضار اليومي العادي بيتزرع هنا، وعشان كدة هتلاقي إن الخضار الفريش، خصوصاً في الأسواق الشعبية زي ميت عقبة وسليمان جوهر والعبور مثلاً، هيبقى أرخص كتير من اللحوم عشان كيلو اللحمة الكندوز دلوقت بيتراوح من 80-170 جنيه، وطبعاً بيتغير كل شوية، وكيلو الفراخ من 20-40 جنيه. في حين إن كيلو الخضار بيتراوح سعره من 2-11 جنيه. طبعاً لو هتجيب خضار مستورد أو أورجانيك، هيبقى أغلى بكتير.

 

النباتيين بيعتمدوا على الحبوب زي الرز والفريك والمكرونة لمواجهة الجوع. بيتراوح سعر الحبوب من 15-40 جنيه للكيلو.

 

  • بدايل البروتين

 

طبعاً مع الدايت النباتي، لازم تلاقي بدايل بروتينية مكان اللحوم، أغلب الناس بتلجأ للبقوليات زي الفول والعدس واللوبيا والحمص، والحاجات دي ممكن تبقى أغلى شوية من الخضار، وبيتراوح سعرها من 20-40 جنيه للكيلو على حسب نوعها.

 

  • الحبوب

 

مع غياب المنتجات الحيوانية، الجوع ممكن يشد بسبب إن الخضار بيتهضم بشكل أسرع في الجسم، عشان كدة النباتيين بيعتمدوا على الحبوب زي الرز والفريك والمكرونة لمواجهة الجوع. بيتراوح سعر الحبوب من 15-40 جنيه للكيلو.

 

الملخص 

 

في النهاية، تخفيف استهلاكك اللحوم ممكن يوفر شوية في الميزانية، خصوصاً لو بعدت عن الخضار المستورد والمنتجات المصنعة والتزمت بعمل أكل في البيت بخضار محلي عادي، ومكونات بسيطة، ولكن لو استبدلت اللحوم بمنتجات مستوردة أو أكل المطاعم، هتلاقي إن تقريباً ما فيش توفير، ده ممكن أصلاً يكلفك زيادة.

اختيار المحررين