الفرق ما بين القرض الشخصي وقرض العربية

اعرف أي نوع قرض منهم هيفيدك.

شارك

اليومين دول، في أنواع قروض كتيرة، وده ممكن يلخبط الواحد، لإن أكيد في ظروف معينة لكل قرض، فخلونا نشوف إيه الفرق ما بين قرض العربية والقرض الشخصي.

 

القرض الشخصي هو قرض بيعتمد على تاريخك المالي، بتقدم عليه لما يكون عندك مصاريف زيادة عايز تقضيها زي مثلاً مصاريف المدارس أو مصاريف فرح مثلاً وعادة مش بيبقى مكفول بضمان، بمعنى إنك لو ماقدرتش تسدد القرض، البنك مابيقدرش يحجز على حاجة معينة، ولكن مستقبلك المالي بيبقى مهدد، لإنك لو حبيت تقدم على أي منتجات بنكية زي قرض أو كريدت كارد، نسبة الفايدة عليك هتبقى عالية، وممكن بعض البنوك ترفض إنها تتعامل معاك أصلاً.

 

هل من الممكن استخدام القرض الشخصي عشان تشتري عربية؟

 

أيوة طبعاً، ممكن تستخدم القرض الشخصي عشان تشتري عربية، ولكن ما تقدرش تستخدم قرض العربية في مصاريفك الشخصية.

 

الاختلاف الأساسي ما بين القرضين إن قرض العربية بتاخده عشان تشتري عربية وبتكون هي الضامن الأساسي للقرض، وطبعاً النوع ده من القروض ماينفعش تستخدمه في أي حاجة تانية غير إنك تشتري عربية. ولو ماقدرتش تسدد القرض، البنك بيحجز على العربية.

 

هل في اختلاف في نسبة الفايدة؟

 

أكيد هيبقى في اختلاف في نسبة الفايدة ما بين القرضين في نفس البنك وفي بنوك مختلفة، وعشان كدة قبل ما تلتزم بنوع قرض معين، لازم تشوف كل الخيارات المتاحة بالنسبة لك، لإن في بعض الأحيان بيبقى القرض الشخصي أفضلك من قرض العربية بسبب معدل الفايدة المنخفض. وطبعاً ما تنساش تسأل على المصاريف الإدارية للقرض، عشان ما يبقاش في مفاجآت.

 

الملخص:

 

الاختلاف الأساسي ما بين القرضين إن قرض العربية بتاخده عشان تشتري عربية وبتكون هي الضامن الأساسي للقرض، وطبعاً النوع ده من القروض ماينفعش تستخدمه في أي حاجة تانية غير إنك تشتري عربية. ولو ماقدرتش تسدد القرض، البنك بيحجز على العربية.

 

المميزات الأساسية لقرض العربية:

 

1. استخدام العربية كضمان للقرض.

 

2. احتمال أكبر للحصول على نسبة فايدة أقل بسبب استخدام العربية كضمان للقرض.

 

3. التأمين على العربية اللي بيبقى عادة شرط من شروط القرض، ولكن حتى لو أنت مش مقدم على قرض، التأمين على العربية مهم.

 

اختيار المحررين