إزاي أقدم على تعويض من شركة التأمين؟

تاريخ النشر: في قاموس الفلوس

إزاي أقدم على تعويض من شركة التأمين؟

ايه هي إجراءات شركة التأمين عشان تاخد تعويض؟

لازم تبقى عارف قيمة ممتلكاتك اللي حصل لها الضرر، وده هيبقى أسهل لو عندك مستندات تثبت فيمتها حتى لو كانت فواتير قديمة من ساعة ما اشتريت الحاجة دي، أو عقود ملكية وهكذا، لإنك لو ماعندكش حاجة تثبت قيمة حاجتك، شركة التأمين هتعمل تقييم على حسب الخبراء اللي عندها وممكن طبعاً يقيموها بأقل من قيمتها، وعشان كدة لو لقيت إنك ما عندكش ورق يثبت قيمتها، يُفضل إنك تجييب خبير يعملك تقييم رسمي بقيمة الحاجة.

 

ثانياً: إثبات الحادث

 

لازم يبقى عندك مستندات تثبت الحادث أو السرقة زي محضر بوليس أو قرار نيابة أو وصف للحادثة عشان لو مافيش إثبات إن اللي حصل ده حادثة خارجة عن أرادتك، صعب أوي إنك تصرف تعويض من شركة التأمين.

 

لو لقيت إنك مش راضي عن التعويض المتاح لك، ممكن تقدم شكوى في الهيئة المصرية للرقابة على التأمين.

 

ثالثاُ: استمارة مطالبة بالتعويض

 

لازم طبعاً تملى استمارة مطالبة بالتعويض، والاستمارة دي شركة التأمين هي اللي بتديهالك عشان تملاها، ولازم تبقى قادر توصف الواقعة بالتفصيل ويبقى عندك كل تفاصيل الخساير اللي حصلت بسببها.

 

رابعاً: المعاينة

 

بعد ما تسلم شركة التأمين كل المستندات اللي هم طلبوها، هيجي وقت المعاينة للحاجة اللي متأمن عليها، وعشان كدة لازم تخلي كل حاجة في نفس الوضع اللي كانت عليه عشان شركة التأمين تعاين وتشوف مكان الحادثة، ولازم تبقى متعاون مع شركة التأمين لإنهم لو شكّوا في أي حاجة ده مش هيبقى في صالحك.

بعد المعاينة، شركة التأمين بتقرر مبلغ أو نوع التأمين اللي هتقدمهولك، ولو لقيت إنك مش راضي عن التعويض المتاح لك، ممكن تقدم شكوى في الهيئة المصرية للرقابة على التأمين.

 


اختيار المحررين