ليه البورصة بتتأثر بأحداث غير مالية؟

ليه البورصة بتتأثر بأحداث غير مالية؟

ازاي توقعات القيمة المستقبلية للسلع ممكن تأثر على البورصة؟

شارك

معروف عن البورصة إنها مخاطرة كبيرة بسبب تأثرها الشديد بالأحداث اللي بتحصل حواليها وفي نفس الوقت الخسارة الكبيرة اللي ممكن الواحد يتكبدها لو الأسهم وقعت فجأة، ولكن في نفس الوقت، زي ما مخاطرتها تعتبر كبيرة، فعائدها برضو كبير، وعشان كدة في ناس كتير بتفضلها كطريقة لاستثمار فلوسهم. ولكن هي ليه البورصة بتتأثر بأحداث غير مالية؟

البورصة بتتأثر بأي حدث له تأثير اقتصادي، وده بسبب توقع تأثير الحدث ده على الشركات، ومؤخراً شوفنا تأثر البورصة الشديد بأزمة فيروس كورونا المستجد واللي أدى لانحدار شديد في قيمة الأسهم في البورصات العالمية ومنهم مصر.

 

البورصة بتتأثر بتوقعات مستقبلية للكساد

 

السبب الرئيسي لتأثر البورصة بأزمة فيروس كورونا المستجد هي توقعات الكساد المرتبطة بيه، وده أدى لفقدان ثقة المستثمرين في القيمة المستقبلية للأسهم اللي هم استثمروا فيها، وحصل تكالب على البيع، وكل ما بيتم بيع الأسهم بشكل كبير، كل ما قيمة الأسهم بتنزل لإن المتحكم الأساسي في سوق البورصة هو العرض والطلب، وعشان كدة لما بيحصل كساد أو حتى توقعات لحصول كساد، بيبقى في فترة زمنية بيحصل فيها بيع جامد للأسهم وبتنزل قيمة التداول في البورصة وخصوصاً شراء الأسهم وبتبقى زي حلقة مفرغة من البيع ونزول قيمة الأسهم.

 

السبب الرئيسي لتأثر البورصة بأزمة فيروس كورونا المستجد هي توقعات الكساد المرتبطة بيه، وده أدى لفقدان ثقة المستثمرين في القيمة المستقبلية للأسهم اللي هم استثمروا فيها.

 

البورصة بتتأثر بالعرض والطلب المستقبلي

 

لو حصل إن الطلب نزل على أي سلعة فده بيأثر على القيمة المستقبلية للسلعة، والتكهنات الخاصة بكون الطلب على السلعة هيرجع تاني، وده اللي شوفناه في أزمة البترول الأمريكاني اللي تأثر بأزمة فيروس كورونا المستجد بسبب قلة الطلب على المحروقات بسبب خفض الحركة بسبب الحظر ومنع الطيران.

وده لما حصل، برضو أثر على البورصة وكمان المضاربة على القيمة المستقبلية للبترول، واللي نزلت وبقت بالسالب لأول مرة.

في الآخر، البورصة بتتأثر بأي حدث له تأثير اقتصادي لإنه بالتالي هيأثر على الشركات اللي مدرجة في سوق البورصة.

اختيار المحررين