مين الفئات اللي بيغطيها التأمين الإجتماعي؟

تاريخ النشر: في قاموس الفلوس

مين الفئات اللي بيغطيها التأمين الإجتماعي؟

تعرف إيه عن المؤمن عليهم إجتماعياً

التأمين الإجتماعي يعتبر من أشهر أنواع التأمين في مصر، وهو اجباري، بتطبقه الحكومة كنوع من الحماية للمواطنين اللي بيشتغلوا، ومعظم الإجراءات بيقوم بيها الشركات والمؤسسات للتأمين علي موظفينهم. الفكرة من التأمين الإجتماعي أن في جزء من مرتبك الشهري بتتأخد منك طول مدة شغلك وبتروح لصندوق التأمين الاجتماعي، وبعد ما بتطلع على سن المعاش، 60 سنة في مصر، بتبدأ تأخد التأمين على شكل معاش شهري.

التأمين الاجتماعي ليه حالات تانية بتحتاج للتعويض غير أصحاب المعاشات، وكلها حالات بيفقد فيها المواطن القدرة علي الشغل، زي العجز الكلي أو الجزئي، والإصابة، والمرض، والوفاة وفي الحالة دي أسرته هي اللي بتأخد المعاش على حسب القرابة.

 

الفئات اللي بيغطيها التأمين الإجتماعي للعاملين لحساب الغير:

 

- العاملين بالجهاز الإداري للدولة والهيئات والمؤسسات العامة.

- العاملين بالوحدات الاقتصادية التابعة لأي هيئة أو مؤسسة عامة بما فيها الوحدات الاقتصادية بالقطاع العام وقطاع الأعمال العام.

- العاملين بالقطاع الخاص بطلب من أصحاب المشاريع والمؤسسات الإستثمارية

- في شرطين لازم يكونوا موجودين في المؤمن عليه أي إن كان نوع شغله، وهما:

  • يكون في علاقة منتظمة مع صحب العمل، بمعني أنه منتظم في العمل لمدة بتوصل علي الأقل لـ 6 شهور
  • يكون عمره على الأقل 18 سنة

- بالنسبة للأجانب، فليهم شروط محددة، هي:

  • متقلش مدة عقده عن سنة
  • يكون في اتفاقية المعاملة بالمثل بين بلده ومصر

 

لو عايز تعرف أكتر عن التأمين الإجتماعي ممكن تقرأ هنا، اعرف اكتر عن التأمين الاجتماعي و تفاصيل نظامه فى مصر

 


اختيار المحررين