يعني إيه تأمين على البيت؟

تاريخ النشر: في قاموس الفلوس

يعني إيه تأمين على البيت؟

هو التأمين على البيت مهم؟

التأمين على البيت بيحمي بيتك من أي حوادث ممكن تحصل زي سرقة أو حريق غير متعمد، وهكذا.

 

ليه الواحد ممكن يفكر في إنه يأمن على بيته؟

 

بما إن بيتك بيعتبر جزء من استثماراتك المالية، ويمكن واحد من أكبر استثماراتك المالية، وعادة الواحد بيبقى عايز إن البيت يكمل معاه عشان يستفيد من البيت الجيل اللي بعده، أو لو أنت ناوي تبيع البيت بعد كدة وتستفيد منه مالياً، وعشان كدة مهم أوي إنك تحمي استثمارك الكبير ده من إنه يحصل له حاجة، وهنا التأمين بيلعب دور مهم جداً.

 

 

 التأمين على البيت بيشمل إيه؟

 

طبعاً ده بيعتمد على خطة التأمين، بس التأمين على البيت ممكن يشمل:

 

  • أي خساير أو تلف بيحصل للبيت من جوه

 

  • أي خساير أو تلف بيحصل للبيت من بره

 

  • أي سرقة للممتلكات اللي جوة البيت

 

 

التأمين على البيت شامل تأمين الإيجار لو حصل حاجة للبيت، فشركة التأمين بتدفع الأيجار للبيت البديل

 

 

  • تأمين الإيجار لو حصل حاجة للبيت، فشركة التأمين بتدفع الأيجار للبيت البديل

 

  • الحوادث اللي ممكن تحصل للصاحب الوثيقة

 

  • الكوارث الطبيعية

 

  • الحريق

 

هل شركة التأمين بتغطي كل التكاليف الخاصة بالتلفيات أو الحوادث اللي ممكن تحصل للبيت؟

 

مش شرط، ده بيعتمد على خطة التأمين ونوع التغطية المتاحة، بس لو مش بتغطي كل التكاليف، عادة بتغطي الجزء الأكبر منها، وأنت بتدفع الباقي.


اختيار المحررين