إزاي تمتلك عربية في خلال سنة؟

انك تجيب عربية مش هدف بعيد.

شارك

هدف امتلاك عربية ممكن يكون من الأهداف المكررة أو المنتشرة، خصوصاً بعد ما المواصلات العامة بقت زحمة وغالية، ولكن في ناس كتير بتحس إنه هدف بعيد، لا يمكن تحقيقه، ولكن في الحقيقة لو الواحد التزم شوية، ممكن تحقق الهدف ده في وقت قصير.

 

حدد إيه نوع العربية اللي أنت عايزها

 

أول حاجة لازم تعملها هي أنك تتفرج على العربيات المتاحة، وتقرر إيه نوع العربية اللي أنت عايزها. ولازم تفرق ما بين صفات لازم تكون موجودة في العربية زي مثلاً تكييف شغال، وصفات أنت ممكن تكون عايزها بس مش محتاجها زي مثلاً الدفع الرباعي. أول ما تقرر شكل وصفات العربية اللي أنت محتاجها، هيبقى عندك تصور واقعي لثمن العربية، وهتقدر على أساسه تحدد أنت محتاج توفر أد إيه عشان تقدر تدفع المقدم.

 

هل هتقدر تدفع الأقساط؟ جرب من دلوقت، وفر 15% من مرتبك، وحطه في حساب التوفير اللي أنت فتحته .. هل هتقدر تستمر في دفع الأقساط لمدة خمس سنين أو أكتر؟

 

افتح حساب توفير منفصل

 

لو أنت أصلاً محوش شوية فلوس عشان تشتري عربية، يبقى حط الفلوس دي في حساب توفير منفصل في البنك، أولاً هتقدر تتابع تقدمك أو تأخرك في التوفير، ثانياً مش هتتلغبط وتصرف الفلوس دي في حاجة تانية مثلاً. حساب التوفير هيسهل عليك أنك تتابع تقدمك.

 

ادفع الأقساط قبل ما تجيب العربية

 

هل هتقدر تدفع الأقساط؟ جرب من دلوقت، وفر 15% من مرتبك، وحطه في حساب التوفير اللي أنت فتحته، وما تصرفش الفلوس دي. شوف تأثير المبلغ ده عليك شهرياً، وهل هتقدر تستمر في دفع الأقساط لمدة خمس سنين أو أكتر؟

 

اعمل حساب المصاريف الزيادة

 

أهم حاجة إنك تعرف إن العربية بتيجي معاها مصاريف، زي مصاريف الترخيص، ومصاريف الصيانة، ومصاريف الركنة، ومصاريف البنزين. فلازم تعمل حسابك على دفع المصاريف دي زيادة على أقساط العربية.

اختيار المحررين