ازاى توفر في فاتورة الكهرباء؟

ازاى توفر في فاتورة الكهرباء؟

نصايح بسيطه بس هتوفرلك كتير

شارك

الفترة اللي فاتت دفعنا فلوس كتير في فواتير الكهرباء بسبب حر الصيف وقعدة كل أفراد العيلة في البيت اللي خلى كل أجهزة البيت شغالة طول الوقت، والزيادة دي مكملة معانا في الشتاء كمان بسبب زيادة أسعار استهلاك الكهرباء في الفترة الأخيرة اللي اتقسمت على 8 شرايح، ووصلت لـ:

 

1- الشريحة الأولى من صفر إلى 50 كيلو وات ( 38 قرشا بدلا من 30 قرشا)

 

2- الشريحة الثانية من 51 إلى 100 كيلو وات ( 48 قرشا بدلا 40 قرشا)

 

3- الشريحة الثالثة من صفر حتى 200 كيلو وات ( 65 قرشا بدلا من 50 قرشًا)

 

4- الشريحة الرابعة من 201 إلى 350 كيلو وات ( 96 قرشا بدلا من 82 قرشًا)

 

5- الشريحة الخامسة من 351 إلى 650 كيلو وات ( 118 قرشا بدلا من 100 قرش)

 

6- الشريحة السادسة من651 إلى ألف كليو وات (140 قرشا).

 

7- الشريحة السابعة من صفر إلى أقل 1000 كيلو وات لا يحصلون على دعم ( 118 قرشًا).

 

8- من صفر لأكثر من 1000 (145 قرشا).

 

 وعشان كده لو عاوز تعرف ازاي تتفادى الفواتير الغالية وتقل لشريحة استهلاك أقل ممكن تجرب النصايح دي:

 

1. غير وسائل الإضاءة في البيت لل ليد:

 

كلنا عرفنا دلوقتى فايدة لمبات الليد اللي بتساعد على توفير الكهرباء وبتدي نفس شدة الإضاءة ويمكن أعلى كمان من اللمبات العادية، فـ لو أي لمبة عندك اتحرقت اشتري بدالها ليد .

 

لو مش محتاج التليفزيون، المروحة أو الشاحن دلوقتي يبقى افصل الفيشة من الكهرباء خالص لأن ده تقريباً عبارة عن 10% من فاتورتك.

 

 2. اقفل الستاير والشبابيك في فترة النهار:

 

احنا محتاجين نقلل الحرارة اللي بتدخل البيت في فترة النهار على قد ما نقدر عشان التكييف أو أي وسيلة تبريد ماتستهلكش طاقة كتير على ما تبدأ تحس ان الجو كويس، والعكس أكيد في الشتا عشان تدفي البيت من غير أي إهدار للطاقة.

 

3. ماتسبش التكييف أو الدفاية مفتوحين وانت نازل من البيت أو وانت نايم:

 

قبل ما تنام اقفل التكييف أو الدفاية أو حتى اظبط تايمر انهم يقفلوا بعد ما تنام بساعة، الجو هيفضل تمام لغاية الصبح ماتقلقش.

 

4. استنى لغاية لما الغسالة تتملي:

 

بلاش تشغل الغسالة بشكل يومي عشان هدوم قليلة، استنى لغاية ما تتملي وبعدين شغلها، ولو مفيش بقع صعبة اظبطها على الماية الساقعة عشان ماتستهلكش كهرباء كتير.

 

5. افصل الاجهزة اللي مش بتستخدمها:

 

لو مش محتاج التليفزيون، المروحة أو الشاحن دلوقتي يبقى افصل الفيشة من الكهرباء خالص لأن ده تقريباً عبارة عن 10% من فاتورتك.

 

6. اتأكد من كفاءة توفير الطاقة في الأجهزة الجديدة:

 

لو ناوي تشتري جهاز جديد دوّر على الأجهزة اللي كفاءتها عالية في توفير الكهرباء، فرق السعر مش كبير بس هتوفرلك كتير.



اختيار المحررين