يعني إيه عملة مشفرة (Cryptocurrency)؟

يعني إيه عملة مشفرة (Cryptocurrency)؟

ممكن تكون دى المستقبل المالى للعالم.

شارك

في 2009، ظهرت Bitcoin كأول عملة مشفرة في العالم، وظهرت في شكل برنامج مصدره مفتوح للجميع، ومؤسس العملة كلن مبرمج مجهول الهوية اتعرف تحت إسم  ساتوشي ناكاموتو، بس ما حدش عارف هو مين أو إن كان شخص واحد ولا مجموعة من الأشخاص.

 

نبذة تاريخية عن العملات المشفرة

 

أول واحد خلق فكرة العملات الإلكترونية كان مبرمج الأنظمة الأمنية دايفيد تشاوم، وسماها ecash، وبعد كدة حاول تفيذ الفكرة في 1995 وسمى العملة Digicash، وكانت بتعتمد على تشفير التحويلات البنكية بعد ما بتتسحب من البنك، وده معناه أن لا يمكن اتباع أثرها. وبعد كدة تم نشر أبحاث كتير في الموضوع بتوصف فكرة العملة المشفرة وإزاي ممكن خلق نظام بيعتمد عليها.

 

العملة المشفرة بيتم التدوال بيها عن طريق عناوين إلكترونية مش أشخاص، وعشان كدة مافيش أي تأكيد لهوية الناس اللي بيستخدموا العملة المشفرة.

 

 

صفات العملة المشفرة

 

  • العملة المشفرة هي عملة مالية إلكترونية بتعتمد على التشفير الإلكتروني عن طريق الكتل المتسلسة(Blockchain)  اللي بتضمن إن البيانات المتسجلة لا يمكن تغيرها، وده لتأمين العملة وضمان استقرارها.

 

  • العملة المشفرة بتعتمد على تصديق من شبكة المبرمجين في معاملاتها، وخلق معاملات جديدة عن طريق البرمجة بيحتاج موافقة من الشبكة اللي كلهم بيبقى عندهم نسخة من سجلات العملة والمعاملات عليها.

 

  • العملة المشفرة تتمتع بالامركزية عشان مافيش حد بيتحكم فيها، العملات العادية بيبقى اللي بيتحكم فيها هو البنك المركزي للبلد، ولكن ما فيش أي هيئة إدارية للعملة المشفرة.

 

  • العملة المشفرة بيتم التدوال بيها عن طريق عناوين إلكترونية مش أشخاص، وعشان كدة مافيش أي تأكيد لهوية الناس اللي بيستخدموا العملة المشفرة. وده بيحمي العملة من التأثير عليها بأي طريقة سواء سياسياً أو بطريقة تانية.

 

  • العملة المشفرة بتبقى متاحة بشكل محدود وده بيحد من التضخم.

 

  • العملة المشفرة مش مربوطة بذهب أو عملة تانية، فبالتالي بيتحدد قيمتها عن طريق العرض والطلب.

اختيار المحررين