إيه الفرق بين "فيزا" و"ماستر كارد" و"ميزة"؟

إيه الفرق بين "فيزا" و"ماستر كارد" و"ميزة"؟

سمعت عن كارت ميزة، طيب عارف إيه مميزاته؟

شارك

فيزا وماستر كارد شركات هدفها الأساسي هو أنهم يسهلوا عليك أي طريقة دفع أو سحب فلوس سواء عن طريق خدمة تبع بنكك أو أي بنك تاني، يعني باختصار هما وسيط بيجمع معلومات الأرصدة البنكية في العالم كله عشان يسهل عليك التعامل بالكارت اللي معاك في اي مكان.

 أما بالنسبة بقى لـ "ميزة" فهو أول كارت مدفوع مقدماً ذكي محلي، بمعني تاني هو أول شبكة دفع إلكترونية مصرية ١٠٠٪، وتم إصداره في مايو 2019، وهتلاقيه فى أكتر من بنك مصري بسعر رمزي، وبيتشحن عن طريق البنك اللي طلعته منه أو ماكينة ATM  بتاعة البنك. 

 

مدة صلاحية التلات كروت 3 سنين.

 

طيب لو هتختار ما بينهم، أنهي الأنسب ليك؟

 

فيزا وماستر كارد الفروق بينهم بسيطة جداً وممكن تكون متتلاحظش بشكل كبير، عشان كده محدش فينا بيحتار بينهم كتير، بس لما نيجي نقارنهم بكارت "ميزة" هنلاقي تشابهات كتير زي مثلا:

 

-مدة صلاحية التلات كروت 3 سنين.

-الحد الأدنى للسن عشان تقدم على أي واحد من  التلاته هو 16 سنة.

-مش لازم يكون عندك حساب في البنك عشان تطلع أي كارت من التلاتة.

-ال3 كمان بتقدر تدفع بيهم فى معاملاتك الإلكترونية.

 

ده غير أن فيه شوية اختلافات واضحة ما بينهم، زي:

 

-كارت ميزة بيقبل الحوالات المحلية والخارجية على عكس "فيزا" و"ماستر كارد".

-رغم أن الرسوم قصاد أي خدمة بيقدمهالك أي كارت من التلاتة زي بعض، بس ميزة رسومها بتتحول للشركة بالجنيه المصري على عكس "فيزا" و"ماستر كارد" اللي بتتحول بالدولار وبكده مفيش أي عملة أجنبية بتطلع بره مصر في حالة كارت "ميزة".

-"فيزا" و"ماستر كارد" ممكن تستخدمهم بره مصر على عكس كارت "ميزة" اللي بتستخدم محليا بس.






اختيار المحررين