أشهر 4 طرق لتحويل الفلوس فى مصر غير البنوك

تاريخ النشر: في نصايح ببلاش

أشهر 4 طرق لتحويل الفلوس فى مصر غير البنوك

إيه هي الشركات والمؤسسات اللي بتحولك الفلوس في مصر بالتفاصيل!

لو فكرت تبعت لحد فلوس هتلاقى إن البنك هو أكتر مكان اّمن تقدر تبعت منه وكمان مش بياخد مصاريف إدارية كتير، بس للأسف ممكن الشخص اللى هتبعتله فلوس ميكنش عنده حساب فى البنك!

وعشان نسهل عليك، هنقولك على أشهر4 طرق هتساعدك تحول فلوس جوه وبره مصر.

 

1- البريد

 

ودي طريقة قديمة شوية موجوده لحد دلوقتي وبتناسب جدا الناس اللى ملهمش في النت والتكنولوجيا، كل اللى مطلوب منك إنك تروح لأقرب مكتب بريد ليك ومعاك البطاقة بتاعتك ورقم بطاقة الشخص اللي هتبعتله المبلغ وتطلب من الموظف تحويل المبلغ اللى أنت عايزه، والطرف التاني هيروح يستلم برضه بالبطاقة.

وعلشان تبقى عارف في جزء بسيط جدا بيتخصم من المبلغ اللى بيتبعت أو الشخص اللى بيستلم بيدفع المبلغ ده كـ مصاريف إدارية.

 

2- Western Union ويسترن يونيون 

 

من اشهر الطرق اللى الناس بتستخدمها لتحويل الفلوس من مصر للخارج، لكن فى شرط مهم وان المبلغ لازم يكون بالدولار الأمريكي وعشان كده بيفضلها الأجانب اللي يقدروا يحولوا فلوس لـ معارفهم في أي دولة.

بتروح اقرب فرع ليك وتطلب تبعت حوالة وتبلغ الموظف بأسم الشخص اللى انت عايز تبعتله.

 

وممكن تنزل الابليكيشن اللي تبع الخط بتاعك عشان يسهل عليك تحويل الفلوس

 

3- خدمات شبكات المحمول: 

 

أول خطوة تعملها انك تروح لأقرب فرع فودافون، اتصالات أو اورانج ، ويكون معاك الخط اللى لازم يكون باسمك عشان تقدر تفعل الخدمة دي وممكن تنزل الابليكيشن اللي تبع الخط بتاعك عشان يسهل عليك زي:

يعني مثلا لو أنت معاك خط فودافون لازم تبعت لشخص بردو يكون معاه خط فودافون ولو الشخص التاني معندهوش الابليكيشن يقدر يروح يستلم الفلوس من فرع فودافون على طول.

وبرضه بيكون فيه نسبة حوالي 2% بتتخصم من إجمالي المبلغ اللى بيتبعت.

 

4- فوري Fawry

 

فوري هي شركة مصرية اتأسست سنة 2008، وبتعتبر من أسهل الطرق اللي تقدر تحول من خلالها فلوس أو تدفع فواتير من خلال عملية واحدة وبسيطة، وبتاخد عمولة 2.5 جنيه لو المبلغ اللي بتحوله أكتر من 100 جنيه.

خدمة فوري بيشتغل بعدد نقط واللي كانت في الاول بتتكون من 5000 نقطة وفي منطقتين بس، وبعد كده الخدمة كبرت ووصل عدد النقط لـ 80 ألف نقطة في أكتر من 300 مكان في جميع أنحاء مصر.


اختيار المحررين