أفضل 5 مواقع للشوبينج الأونلاين في مصر في أبريل 2021

تاريخ النشر: في نصايح ببلاش

أفضل 5 مواقع للشوبينج الأونلاين في مصر في أبريل 2021

لو غاوي شوبينج أونلاين دي أحسن مواقع ليك

التسوق على الإنترنت بقي جزء أساسي في حياتنا خصوصا أن معظم المحلات بأختلاف أنواعها بقيت بتهتم بتطوير موقعها الأونلاين. وهنقولك هنا علي أشهر 5 مواقع للشوبينج الأونلاين باختلاف تخصصاتهم.

 

1- سوق (التسوق لكل أنواع المنتجات في مصر)

 

سوق.كوم/Souq اتأسس في الإمارات سنة 2005، وبعد كده اتوسع ودخل كل البلاد العربية. وهو واحد من أفضل المواقع للتسوق العام لكل أنواع المنتجات العشوائية، ودايما في تحسن مستمر، وقريب بقي تابع للشركة العالمية أمازون Amazon.

 

2-ادفعلي (التسوق لكل المنتجات من الخارج)

 

Edfa3ly هي خدمة تسوق متخصصة في تسليم المنتجات اللي اشتريتها من الخارج. الموضوع بيخلص في 3 خطوات:

              (1) بتبعت لهم المنتج اللي محتاجه

              (2) بيشتروا المنتج بالنيابة عنك 

              (3) المنتج بيوصلك بعد ما بيخلصوا التخليص الجمركي بتاعه في مصر.

 

معظم المحلات بأختلاف أنواعها بقيت بتهتم بتطوير موقعها الأونلاين

 

 

3- ايكيا (الموبيليا والعفش)

 

ايكيا/ IKEA هو أكبر محل بيع للأثاث بالقطعة على مستوى العالم ومشهور عالميا بتصميماته وجودة منتجاته. تقدر تتسوق على موقعه وتشتري معظم منتجاته أونلاين وهيوصلك الحاجة لحد عندك.

 

4- H&M (ملابس)

 

H&M مش محتاج مقدمة، لأنه من أشهر براندات الملابس العالمية، ودلوقتي تقدر تتسوق أونلاين وتشتري أي حاجة من منتجاته بأسعار معقولة، مع خصومات كبيرة بتتبعت كل فترة.

 

5 - 2B (إلكترونيات) 

 

2B هو موقع إلكترونيات مصري اتأسس سنة 2000 وبعد كده اشترته الشركة الأمريكية Best Buy. الموقع فيه مجموعة كبيرة من الإلكترونيات من أجهزة الكمبيوتر للـ أجهزة المنزلية، والموبايلات. زتقدر تشتري من خلاله وتدفع بـ بطاقة بنكية أونلاين أو كاش عند التسليم.


اختيار المحررين