اعرف 3 طرق للتفاوض

تاريخ النشر: في نصايح ببلاش

اعرف 3  طرق للتفاوض

اعرف اساسيات التفاوض الناجح

التفاوض ممكن يكون من المهارات الأساسية في مجال الشغل، سواء كنت موظف أو صاحب شغل، في وقت من الأوقات هتلاقي نفسك محتاج تتفاوض على حاجة معينة. بس في ناس كتير بتلاقي الموضوع صعب أو مُحرج، ولكن في الحقيقة في حاجات بسيطة ممكن تتبعها عشان تبقى ناجح في المفاوضات.

 

أساس التفاوض الناجح هو التحضير

 

اعرف كل حاجة تخص الموضوع اللي أنت رايح تتفاوض عليه، وسلح نفسك بأسباب مقنعة عشان تقدر تاخد اللي أنت عايزه، فلو رايح تتفاوض في المرتب مثلاً، وري مديرك حاجات في الشغل أنت طورتها أو نفعتها، وحضر ملف بالحاجات اللي اتحسنت لما ابتديت تشتغل عليها، وبكدة مديرك هيقدر يقيس أد إيه أنت مهم للشركة.

 

ما تفكرش في الموضوع على إنه فوز وخسارة

 

أحسن حاجة إنك ما تدخلش مناقشة وأنت متحفز، الشخص اللي قدامك مش العدو، أنتم الاتنين عايزين توصلوا لحاجة ترضيكم أنتم الاتنين، التفاوض مش معناه إنك تقضي على اللي قدامك أو تخليه يحس بالضعف، بالعكس، لما تحسس اللي قدامك إنك مهتم بإنكم توصلوا لحل يرضي الطرفين، هتلاقي إن المناقشة بقت أسهل.

 

ما تركزش على الحاجات اللي أنت عايز تحققها لدرجة إنك ما تسمعش الكلام اللي بيتقال لك. لما تسمع كويس، ده هيديك معلومات كافية إنك ترد بشكل مقنع على اللي قدامك.

 

اسمع اللي قدامك كويس

 

ما تركزش على الحاجات اللي أنت عايز تحققها لدرجة إنك ما تسمعش الكلام اللي بيتقال لك. لما تسمع كويس، ده هيديك معلومات كافية إنك ترد بشكل مقنع على اللي قدامك، وممكن كمان تثبت إن اللي هو بيقوله مش صح، وده هيديك الأفضلية.

 

حدد أنت مستعد تقبل إيه

 

في أغلب الأوقات، المفاوضات بتنتهي بحل وسط، يعني مش شرط تقدر توصل للحاجة اللي أنت عايزها بالضبط، وعشان كدة، قبل ما تدخل المناقشة، لازم تحدد أنت مستعد تقبل بإيه، يعني لو مش هتحقق هدفك الأساسي، مستعد تقبل بأقل منه بأد إيه.


اختيار المحررين