ازاي توفر لو مرتبك اتخفض؟

تاريخ النشر: في نصايح ببلاش

ازاي توفر لو مرتبك اتخفض؟

6 خطوات للتوفير في حالة تخفيض مرتبك

بعد انتشار فيروس كورونا  COVID-19 وانتشار ال working from home فى شركات كتير قررت تستغني عن موظفينها وقفلت، وفي شركات تانية اضطرت تخفض المرتبات بنسب وصلت لأكتر من 1%، فلو أنت واحد من الموظفين دول أكيد محتاج تغير من خطة مصاريفك عشان تعرف تتعايش مع الوضع الجديد، والسؤال هنا هو ازاى نقلل من طلباتنا وفي نفس الوقت مانحسش بتأثير التخفيض بشكل كبير؟



 

1- حدد أولوياتك:

 

لازم أول كل شهر تعمل ليستة لـ احتياجاتك الأساسية، وتحدد ايه المهم وايه الممكن تستغني عنه عشان تتجنب شرا أي حاجة ملهاش لازمة.



 

2- ابعد عن العروض:

 

            حاول تتجنب متابعه العروض خصوصا العروض الأونلاين، لأنها أكيد هتبوظلك الميزانية، بس ممكن يبقي فى استثنائات لو    

            لاقيت العروض على سلع كده كده محتاج تشتريها.



 

3- قسم مرتبك:

 

وده ليه طريقتين ممكن تختار واحدة منهم:

طريقة الأظرف: قسم مصاريفك بشكل اسبوعي أو يومي، مثلاً: خلي مصاريف كل أسبوع في ظرف لوحده وماينفعش تفتح ظرف قبل ميعاده.

قاعدة 50-30-20: وهنا بتقسم مرتبك على شكل أن 50% منه يكون للأساسيات، و 30% للكماليات أو الرفايع، و20% تحوشهم على جنب.

 

حاول تتجنب متابعه العروض خصوصا العروض الأونلاين، لأنها أكيد هتبوظلك الميزانية

 

4- ترشيد استهلاك المرافق:

 

ممكن تقلل من استخدام الأجهزة اللي مش ضرورية أو المعروف عنها انها بتسحب كهرباء كتير زي التكييف مثلا، وممكن كمان تراقب استخدامك للمياه والغاز ومتستخدمهمش غير فى اضيق الحدود.



 

5- تطبيقات الموبايل للتوفير:

 

استخدم تطبيقات اwdلموبايل اللي بتساعدك على التوفير والتحويش، ودي بتقدملك المساعدة في تقسيم المرتب وبتعرفك أكتر حاجة بتصرف فيها فلوسك. من التطبيقات دي: 

                                                         Mint           

                                                        PayMaster 

                                                        1Money

 

6-أعمل جمعية:

 

           الجمعية هتجبرك على التحويش وهتفك أزمتك لو محتاج تدفع فواتير مهمة، ودلوقتي فى تطبيقات أونلاين بتعمل جمعيات،                

           هتريحك م التدوير على ناس تدخل معاك وهتضمنلك أن فلوسك توصلك فى ميعادها. 

من التطبيقات دي: 

                             الجمعية  ElGamaeya

                             Money fellows

                             حوشلي

                             الجمعية الشهرية


اختيار المحررين