سفريات ورحلات جوة مصر تقدر تروحهم بسهولة

تاريخ النشر: في نصايح ببلاش

سفريات ورحلات جوة مصر تقدر تروحهم بسهولة

سفريات تنفع ليوم واحد.

القرارات المفاجئة اللي بتكون ليها علاقة بالسفر أو الخروج أو الترفيه عموما بتكون دايماً أحسن قرار اخدته في حياتك علشان بتحس فيه إنك حر تقدر تروح أي مكان أو تعمل اللي نفسك فيه في أي وقت .. إحنا هنا هنساعدك تروح فين لو طلع في دماغك حاجة زي كدة بسفريات وخروجات مش غالية وكمان مش هتاخد منك أكتر من يوم واحد.

 

الأسكندرية

 

وهنا لازم طبعا نقول الأسكندريه ونعترف بدورها العظيم في سفريات اليوم الواحد عشان قريبة من القاهرة وكمان تقدر تتبسط فيها بأقل مجهود (فطار ع البحر -أكلة سمك حلوة- أيس كريم -كبدة).

 

بورسعيد

 

اللي مش كتير يعرفوه إن كمان بورسعيد تقدر تلفها في يوم واحد وفيها ممكن تشوف طيور النورس في القناة وتركب المعدية وفطار خفيف على البحر وشوية لف في شارع البازار علشان تجيب كمية محترمة من الشيكولاتات المستوردة والمنتجات اللي مش موجوده كتير في القاهرة وبعدها أكلة سمك حلوة وكمان لو بتحب مسلسل Friends فأنت هتتبسط جدا لما تروح كافيه Central Perk. 

 

لازم طبعا نقول الأسكندريه ونعترف بدورها العظيم في سفريات اليوم الواحد عشان قريبة من القاهرة وكمان تقدر تتبسط فيها بأقل مجهود (فطار ع البحر -أكلة سمك حلوة- أيس كريم -كبدة).

 

 

الفيوم

 

 كمان من المحافظات اللي فيها حاجات كتير تقدر تروحها زي السبع سواقي وبحيرة قارون ومحمية وادي الريان ومحمية وادي الحيتان اللي منها تقدر تشوف النجوم والأحداث الفلكية بشكل واضح جداً وممكن تخيم وتنام تحت النجوم وتكون تجربة ماتتنسيش.

 

العين السخنة

 

العين السخنة هو أفضل مكان للأنتخة والاسترخاء لإنها تقريباً ما فيش حاجة تتعمل فيها، ولكن فكرة إنك تقعد على البحر وتأنتخ أفضل حاجة فيها، ولو أنت عايز تعمل مجهود شوية ممكن كمان تأجر يخت عشان تعوم وتصطاد سمك.


اختيار المحررين