فايدتي هتعرفك ازاي تحسب تكاليف تربية الحيوانات الأليفة؟

تاريخ النشر: في نصايح ببلاش

فايدتي هتعرفك ازاي تحسب تكاليف تربية الحيوانات الأليفة؟

هل تربية الحيوانات الأليفة مُكلفة؟

الحيوانات الأليفة شيء مبهج جداً لأي حد، وفكرة حلوة خصوصاً لو الواحد عايش لوحده وحاسس بالوحدة أو لو عندك أطفال وعايز تعودهم على فكرة المسؤولية وفي نفس الوقت مخلوق لطيف يلعبوا معاه، وفي أغلب الأحيان الحيوان الأليف بيبقى جزء من العيلة، وعشان كدة لما بيحصله حاجة، الموضوع بيبقى مؤلم جداً.

ولكن قبل ما تقرر إنك تتبنى كلب أو قطة، لازم تقدر المصاريف اللي الكلب أو القطة هيفرضهم عليك لإنهم برضو مسؤولية، وماينفعش بعد ما يتعودوا على البيت، تمشيهم أو تسيبهم في الشارع لإنهم مش هيعرفوا يتأقلموا أبدًا.

 

المصاريف الأساسية:

 

الدكتور البيطري

 

لما تتبنى قطة أو كلب، أول حاجة لازم تعملها هي إنك توديهم للدكتور البيطري عشان تتأكد إن صحتهم كويسة وكمان تتأكد إنهم ماعندهمش ديدان وكمان عشان يديهم التطعيمات المطلوبة، وده معناه إنك هتدفع فلوس الكشف وأي حاجة تانية زي أدوية أو تطعيمات أو عمليات. مصاريف الدكتور البيطري في السنة ممكن تكلفك من 500 جنيه وأنت طالع على حسب صحة الحيوان الأليف.

 

طبعاً بيبقى في مصاريف تانية كتير، يعني مثلاً القطة بتحتاج رملة عشان تدخل الحمام فيها، والكلب بيحتاج حاجات يعضها عشان ما يبوظش الفرش، وهكذا، ده غير مثلاً لو مسافر، هتحتاج تلاقي مكان تحط الحيوان الأليف فيه أو تاخده معاك.

 

الأكل

 

تاني أكبر جزء من المصاريف هي الأكل، وده بيعتمد على نوع الأكل، فممكن تجيبله أكل معلب، وده أغلبه بيبقى مستورد وعشان كدة غالي شوية، أو ممكن تعمل أكل في البيت، بس في أي حال، مصاريف الأكل المتوسط بتاعها 2000 جنيه في السنة.

 

طبعاً بيبقى في مصاريف تانية كتير، يعني مثلاً القطة بتحتاج رملة عشان تدخل الحمام فيها، والكلب بيحتاج حاجات يعضها عشان ما يبوظش الفرش، وهكذا، ده غير مثلاً لو مسافر، هتحتاج تلاقي مكان تحط الحيوان الأليف فيه أو تاخده معاك، أو تأجر حد يبص عليه ويأكله.

في نهاية الأمر، الحيوان الأليف ده مسؤولية مكملة معاك لغاية 10 سنين أو أكتر، ولو أنت مش هتقدر تكفي، يبقى أحسن ما تجيبش حيوان وتعوده عليك وبعد كدة تسيبه.


اختيار المحررين