فايدتي هتقولك على أكتر 7 طرق هتساعدك تحوش وتوفر فلوسك

تاريخ النشر: في نصايح ببلاش

فايدتي هتقولك على أكتر 7 طرق هتساعدك تحوش وتوفر فلوسك

ازاي المرتب يكمل معاك لاخر الشهر

انت أول الشهر غير آخر الشهر.. خالص، دايمًا بنبدأ الشهر بليست كبيرة جدًا من الطلبات والحاجات اللي نفسنا فيها بس مستنيين المرتب ينزل ، بس عشان ماتقعش وقعة كل شهر والمرتب يقدر يكمل معاك للآخر حاول تعمل شوية حاجات بسيطة جداً.

 

1. اكتب كل اللي محتاجه في الشهر الجديد من قبلها بفترة وحاول تراجعه كل شوية، هتلاقي فيه حاجات أهميتها قلت وحاجات أنت مش محتاجها بجد لغاية ما توصل لأول الشهر هتكون وصلت لطلباتك الحقيقية.

 

2. حاول ماتنجذبش لكل العروض اللي في السوبرماركت أو الصيدليات بسهولة عشان أوقات بتكون العروض دي مش حقيقية ففكر وقارن كويس.

 

3. اشتري مكونات المشروب اللي بتحبه من السوبر ماركت و بأدوات بسيطة و مج حراري هتقدر تعمله في البيت وتاخده معاك الشغل.

 

4. اعمل إشتراكات في المواصلات اللي بتستخدمها بإستمرار زي المترو أو الأوتوبيس أو أي تطبيقات بتقدم خدمة مواصلات هتلاقي نفسك وفرت في آخر الشهر.

 

اشتري مكونات المشروب اللي بتحبه من السوبر ماركت و بأدوات بسيطة و مج حراري هتقدر تعمله في البيت وتاخده معاك الشغل.

 

5. لو بتخرج كتير خليها يوم واحد في الأسبوع ، عشان توفر فلوسك وكمان وقتك.

 

6. اعمل لنفسك أكل أو سناكس خفيفة تسندك في الشغل بدل ما تطلب كل يوم أكل من بره، هتوفر فلوس وتحافظ على صحتك. 

 

7. ممكن تستخدم applications أو اليوتيوب عشان يساعدك تعمل تمارين بسيطة في البيت لو بتدفع اشتراك الجيم كل شهر ومابتروحش. 

 

دي حاجات بسيطة جداً بس ممكن تفرق معاك في آخر الشهر، وحاول تعمل لنفسك من أول الشهر خطة تمشي عليها علشان تبقى محدد أهدافك كويس.

 


اختيار المحررين