لو تم رفدك من شغلك، تعمل إيه؟

تاريخ النشر: في نصايح ببلاش

لو تم رفدك من شغلك، تعمل إيه؟

كل نهايه بتكون بدايه جديده ليك اعمل الحاجات ديه لو تم رفدك من الشغل.

أثناء الأزمات، المشاكل الاقتصادية بتكتر، ومعاها ممكن شركات تقفل أو تفلس أو يبقى عندها مشاكل مالية كبيرة بحيث إن الشركة تضطر تمشي موظفيين، لو ده حصل، تعمل إيه؟

 

1. بلاش تقول أي حاجة غلط لمديرينك أو الشركة اللي بتشتغل فيها، لإنك ممكن في المستقبل تبقى محتاج لهم سواء في تخليص ورق أو لتزكية مثلاً، لو أنت مضايق، فضفض لصحابك وعائلتك.

 

2. اسأل على أي مرتبات ممكن تكون لسة ما قبضتهاش، ولو فيه أي نوع من تعويض نهاية الخدمة أو لو تغطية التأمين مستمرة بعد الرفد.

 

3. لو أنت حاسس إن تم رفدك بدون سبب مقنع، ممكن تسأل مديرك عن الأسباب وتتحجج بإنك عايز تتفادى الأخطاء دي في المستقبل، ولو أنت في شركة كبيرة، ممكن تعمل شكوى مع قسم إدارة الموارد البشرية (HR).

 

ما فيش داعي لإنك تقول حاجات وحشة على الشركة أو مديرك السابق، ولكن ممكن تقول إن الوظيفة ما كنتش مناسبة ليك وإنك حابب تلاقي وظيفة بتحديات أكبر.

 

4. لو تم رفدك لأسباب مالية عند الشركة، ومافيش مشاكل ما بينك وما بين مديرك، ممكن تسأل مديرك إن كان هو عنده أي علم بأي شغلانات متاحة في شركات تانية أو لو ممكن يزكيك لحد من الشركات التانية.

 

5. شوف حساب التوفير بتاعك فيه أد إيه، والمبلغ ده هيقضي مصاريفك لمدة أد إيه، لو لقيت إنك معاك فلوس تكفي فترة، ممكن تاخد أجازة عشان تروق أعصابك شوية، لو لقيت إنك مش معاك فلوس كفاية، يبقى أحسنلك تبتدي تدور على شغل على طول، لإن الموضوع بياخد وقت، خصوصاً لو أنت بتدور على مرتب معين أو شغل في منطقة معينة.

 

تعمل إيه لو في مقابلة شغل جديد سألوك ليه سب وظيفتك الأخيرة؟

 

ما فيش داعي لإنك تقول حاجات وحشة على الشركة أو مديرك السابق، ولكن ممكن تقول إن الوظيفة ما كنتش مناسبة ليك وإنك حابب تلاقي وظيفة بتحديات أكبر.

 

في الآخر، ما تخليش الموضوع يأثر عليك بطريقة سلبية، لإن أي حد ممكن يترفد من الشغل، مش معناه إنك شخص وحش أو فاشل، وممكن تعتبر الموضوع  فرصة ليك إنك تتعلم من الأخطاء اللي أنت عملتها اللي أدت لرفدك، وما تكررهاش تاني.


اختيار المحررين