5 أفكار تعلم بيها ابنك التحويش من بدري

تاريخ النشر: في نصايح ببلاش

 5 أفكار تعلم بيها ابنك التحويش من بدري

ابدأ مع ابنك خطواته المالية مع البنك من بدري!

كام مرة إبنك جرب يطلب منك حاجة وأنت مقدرتش تشتريها بسبب المسؤوليات اللي عليك، وإنك دايما بتحدد أولوياتك وامتى تجيب ايه وازاي! وابنك كمان محتاج تساعده يحقق اللي هو عايزه ويتعلم ازاى يحوش ويوصل لهدفه من بدري!

 

احنا هنقولك على أفضل 5 أفكار هتعلم ابنك قيمة الفلوس

 

1- الفرق بين الاحتياجات والرغبات!

 

لازم تفهم ابنك الفرق بين الاحتياجات الأساسية ودي اللي بيحتاجها دايما زي الأكل والشرب وأنه يعيش مرتاح، والرغبات ودي اللي بيعوزها  فجأة زي انه مثلا عايز بلاي ستيشن أو موبايل جديد، الرغبات دي ساعات بتبقى صعب تتحقق عند بعض الأهالي، وعشان كده لازم تعلم ابنك يحوش حتى لو أنت هتكمل على المبلغ ده بس على الأقل خليه يشارك في الحاجة اللي هو عايزها.

 

2- علم ابنك يكسب فلوس!

 

أكيد مش هتنزل ولادك يشتغلوا وهما أطفال، بس ممكن يساعدوك في أي حاجة زي أنهم ينزلوا يشتري احتياجات البيت وفي كل مرة يساعدوك فيها ممكن تديلهم مكافأة مادية عشان تحفزهم، ومع الوقت هيحس ان في مقابل للحاجة اللي هو بيعملها حتى لو كانت بسيطة.

 

لازم يكون فيه مكان معين تخلي ابنك يحوش فيه ويروح عليه دايما لما يبقى معاه فلوس زيادة

 

3- مكان يعرف يحوش فيه!

 

لازم يكون فيه مكان معين تخلي ابنك يحوش فيه ويروح عليه دايما لما يبقى معاه فلوس زيادة، والمكان ده ممكن يبقى حصالة مثلا لو إبنك سنه صغير، ولو متعود ان ابنك ياخد مصروف كل شهر منك، لازم يعرف انه مسؤول على كل قرش معاه ولو صرف كل الفلوس، يبقى مش هيقدر ياخد مصروف تاني في نفس الشهر.

 

4- شهادات الاستثمار!

 

لو ابنك حوش مبلغ كبير ممكن تاخده البنك عشان يربط فلوسه بـ شهادة عشان  يستثمرها ويطلع له منها ربح كل شهر ممكن ياخده يشتري بيه اللي هو عايزه.

اعرف كل حاجه عن شهادة الاستثمار من خلال موقع فايدتي وقارن ما بين البنوك المختلفة قبل ما تختار.

 

5- حساب توفير!

 

وده بيبقى حل مناسب جدا لإبنك عشان يشيل فيه فلوسه وممكن يسحبها وقت لما يحب وده بعكس الودايع والشهادات اللي بيبقى ليها وقت محدد عشان تسحب منها، بس يفضل ميسحبش المبلغ غير في أوقات الطوارئ بس.


اختيار المحررين