5 حاجات مش المفروض تشتريهم

تاريخ النشر: في نصايح ببلاش

5 حاجات مش المفروض تشتريهم

علشان تحافظ على فلوسك تجنب الحاجات دى

لو أنت بتحب التوفير، وعندك هدف إنك توصل لرقم معين من التحويش، يبقى الحاجات دي تبعد عنها لإنها مش هتفيدك في حاجة ولكن ممكن تضيع لك فلوسك كمان.

 

1.أدوات المطبخ 

 

في أوقات كتير الواحد بيبقى عايز يشتري أدوات مطبخ كتير، بس في الحقيقة الواحد مش محتاج غير حاجات بسيطة سواء أدوات أو أجهزة، وخصوصاً لو أنت مش بتطبخ، وفي أغلب الوقت الحاجات دي بتبقى غالية جداً. لو عايز تعرف إزاي تقرر إن كنت محتاج الأدوات دي ولا لأ، اسأل نفسك لما تشتري الحاجة دي، هتستخدمها كام مرة في الإسبوع، لو أكتر من مرتين، يبقى اشتريها، ويُفضل لو الحاجة اللي هتشتريها يبقى ليها كذا وظيفة.

 

2.كتب

 

في أغلب الأحيان، الواحد بيشتري كتب كتير ومش بيقرا منها حاجة، وحالياً الكتب العادية بقت غالية، وعشان كدة الكتب الأونلاين بقت حل أفضل لإنها عادة بتبقى أرخص، وفي نفس الوقت ما بتاخدش مكان عندك، وتقدر تاخدها معاك في أي حتة. وبرضو فكر كويس قبل ما تشتري أي كتاب وشوف إن كنت فعلاً هتقراه ولا لأ.

 

يمكن تكون أكتر حاجة بتضيع الفلوس هي الأكل من برة، وحالياً مع مشاكل العدوى هي بتعرضك للخطر، وعشان كدة أفضل حاجة تعملها لنفسك هي إنك تحضر أكلك بنفسك.

 

3.أكل من برة

 

يمكن تكون أكتر حاجة بتضيع الفلوس هي الأكل من برة، وحالياً مع مشاكل العدوى هي بتعرضك للخطر، وعشان كدة أفضل حاجة تعملها لنفسك هي إنك تحضر أكلك بنفسك، هتوفر فلوس وتحمي نفسك من أي خطر عدوى.

 

4.ضمان ممتد على الأجهزة

 

في أحيان كتيرة لما بتيجي تشتري تليفون أو كمبيوتر، ممكن المحل يعرض عليك ضمان ممتد مقابل مبلغ أزيد، والمفروض إن ده بيحميك في حالة الجهاز حصله حاجة بعد الضمان الأصلي ما بيخلص، بس في أغلب الأحيان أنت مش محتاج الضمان ده، وبيكلفك فلوس زيادة على الفاضي.

 

5.القهوة 

 

أي فنجان قهوة من أي كافيه بيكلفك على الأقل 30 جنيه، وده معناه إنك لو اشتريت قهوة 5 مرات في الإسبوع إنك بتصرف 7800 جنيه في السنة تقريباً، وده لو أنت بتشتري حاجة مش معقدة زي أمريكان كوفي أو كابتشينو، وممكن يوصل 13,000 جنيه لو تكلفة القهوة 50 جنيه. وطبعاً أنت ممكن توفر كل ده لو جبت القهوة معاك من البيت.


اختيار المحررين