6 هوايات مش هتكلفك كتير

تاريخ النشر: في نصايح ببلاش

6 هوايات مش هتكلفك كتير

هوايات مش مكلفة ومريحة نفسياً

كل واحد فينا بيحتاج هواية يحبها أو تعلمه حاجة جديدة علشان نصفي دماغنا شوية أو حتى علشان نشغل نفسنا عن عادة عايزين نتخلص منها، بس أوقات الهوايات دي بتكون مُكلفة جداً وده بيكون سبب اننا نكسّل نمارس الهواية دي علشان كدة بنقترح عليك هوايات بسيطة، هتساعدك في حياتك العملية ومش هتكلفك كتير:

 

1. الجري

 

مش محتاج منك أي فلوس، محتاج بس تلبس قطن أو لبس مريح، جهّز بلايلست بتحبها وانطلق. 

 

2. اليوجا 

 

فرصة حلوه جداً علشان تصفي دماغك من كل الضغط اللي بيحصل حواليك وتعرف تفكر كويس وكمان هتأثر على لياقتك البدنية، وممكن تبدأ من على يوتيوب أو أي ابلكيشن على الموبايل وممكن كمان تروح المريلاند كل أسبوع فيه حد هناك بيعلمك وبسعر رمزي.

 

ممكن تجيب وصفة أي أكلة بتحبها أو نفسك تجربها وتجرب تعملها بنفسك وأيًا كانت هتحبها علشان من إيديك  أو على الأقل هتستمتع إنك جربت حاجة جديدة

 

3. التطريز

 

وده موجود طرق تعليم كتير على يوتيوب سواء كروشية، تريكو، تفصيل أو تصليح وتغيير من شكل هدوم قديمة عندك وهتلاقي افكار كتير جداً هتساعدك وتشجعك تجرب على pinterest.

 

4. الطبخ

 

أوقات كتير بيكون فرصة هايلة لتصفية الذهن وترتيب الأفكار، ممكن تجيب وصفة أي أكلة بتحبها أو نفسك تجربها وتجرب تعملها بنفسك وأيًا كانت هتحبها علشان من إيديك  أو على الأقل هتستمتع إنك جربت حاجة جديدة، ده غير إنك هتوفر فلوس الأكل من المطاعم.

 

5. الكتابة

 

طريقة سهلة ممكن تريح بيها أعصابك وتفضي عقلك من التوتر والضغط، مش مهم هتكتب إيه حتى لو بس هتكتب أحداث يومك وأي حاجة بتدور في بالك بس المهم تستخدم الورقة والقلم لأنهم بيساعدوا في تسلسل الأفكار وتقليل التوتر، وممكن تجرب حاجة بسيطة جدا مع الوقت هتساعدك تكتب أحسن زي انك تكتب كل يوم الصبح كل اللي بيدور في بالك دلوقتي أو عن اللي هيحصل في اليوم ده ومع الوقت هتلاقى تحسن كبير في إسلوبك وطريقة السرد.

 

6. متابعة النجوم والكواكب عن طريق تطبيقات الموبايل

 

السما بيحصل فيها أحداث كتير ممتعة جدا زي زخات الشهب أو ظهور كوكب في السما لدرجة إنك ممكن تشوفه بالعين المجردة وممكن تعرف أكتر عن الأحداث دي وتشوفها بشكل أوضح عن طريق أكتر من تطبيق على جوجل بلاي زي Star walk 2 اللي هيعرفك كل المعلومات عن أي نجمة ممكن تشوفها أو أي شكل مختلف في السما. 


اختيار المحررين