يعني إيه إعادة تمويل قرض؟

يعني إيه إعادة تمويل قرض؟

عندك قرض ومش عارف تسدده؟

شارك

إعادة تمويل قرض معناه إنك بتاخد قرض جديد بهدف تسديد واحد قديم، والقرض الجديد بيبقى بشروط تانية ونسبة فايدة مختلفة.

 

إيه الهدف من إعادة التمويل؟

 

عادة الهدف بيبقى تحسين شروط القرض عن طريق نسبة فايدة أقل، أو مهلة أطول للقرض أوتغيير طبيعة الفايدة من ثابتة لمتغيرة، وطبعاً كل قرض بيختلف عن التاني، وبيعتمد على المؤسسة كمان اللي هتاخد منها القرض الجديد سواء بنك أو شركة تمويل.

 

إيه اللي ممكن تستفيدة من إعادة التمويل؟

 

تقليل نسبة الفايدة.

دفع قسط شهري أقل، خصوصاً لو مدة القرض أطول.

تجميع ديونك، ودفعها كقرض واحد، وده مفيد لو أنت عندك كذا قرض بشروط مختلفة وعايز تجمعهم في قرض واحد جديد عشان الدفع يبقى أسهل ومنظم أكتر.

تغيير نوع القرض.

 

عادة بيبقى في غرامة لما بتدفع القرض بالكامل بدري، وفي حالة إعادة التمويل، الغرامة دي بيتم تطبيقها، وعشان كدة قبل ما تفكر في فكرة إعادة التمويل، لازم تسأل عن غرامة السداد المبكر، وتقارن ما بين الفلوس الزيادة اللي هتدفع  وإن كان إعادة التمويل فكرة كويسة.

 

إيه الرسوم اللي ممكن تدفعها؟

 

عادة بيبقى في غرامة لما بتدفع القرض بالكامل بدري، وفي حالة إعادة التمويل، الغرامة دي بيتم تطبيقها، وعشان كدة قبل ما تفكر في فكرة إعادة التمويل، لازم تسأل عن غرامة السداد المبكر، وتقارن ما بين الفلوس الزيادة اللي هتدفع  وإن كان إعادة التمويل فكرة كويسة.

 

هل إعادة التمويل فكرة كويسة للتخلص من الديون؟

 

لا، لإنك مش هتتخلص من الديون، ولكن هتدفع أقساط جديدة لقرض جديد، ولكنه مفيد لتحسين شروط القرض من ناحية مدة السداد أو نسبة الفايدة.

 

هل إعادة التمويل ممكن تساعدك لو أنت واخد قرض بضمان أصل وعايز تطلعه من القرض؟

 

مش شرط، لإن عادة القرض الجديد برضو هيستخدم نفس نوعية الضمان بتاعة القرض القديم، إلا لو القرض الجديد هو قرض شخصي بدون ضمان، ولكن عادة النوع ده من القروض بيبقى نسبة الفايدة فيه عالية.

 

إيه البدايل؟

 

إعادة جدولة القرض، وهنا بتتفق مع البنك على مدة مختلفة للقرض، فممكن تمد المدة أو تقصرها على حسب إتفاقك مع البنك، وده هيخلي القسط الشهري مختلف، فلو طولت المدة، القسط الشهري هيقل، ولو قصرت المدة عشان عايز تلخص من القرض، يبقى القسط الشهري هيزيد.

 

اختيار المحررين