التأمين الصحي عادة بيبقى تأمين ضد المشاكل الصحية اللي ممكن تحصل للواحد، وبتختلف التغطية المتاحة على حسب نوع التأمين وتكلفته، في بلاد بتوفر تأمين صحي شامل لمواطنيها، بس حالياً في مصر مافيش تغطية شاملة، والمفروض إن في خطط حكومية إن يتم تطبيق الموضوع ده قبل 2025.

حالياً، التأمين الصحي بيبقى متاح لو الواحد تعاقد مع شركة تأمين في مقابل إنه يدفع رسم سنوي أو إن الشركة اللي بيكون بيشتغل فيها بتوفرله تأمين صحي عن طريق التعاقد مع شركة تأمين لتغطية الموظفين اللي بيشتغلوا في الشركة. وده بيعتبر ميزة لأي حد بيدور على شغل، وممكن مثلاً الموظف يفضل شركة فيها تأمين بس بمرتب أقل عشان هو عارف إن ده هيوفر عليه مصاريف في نهاية الأمر.

في بلاد بتوفر تأمين صحي شامل لمواطنيها، بس حالياً في مصر مافيش تغطية شاملة،

إيه مميزات التأمين الصحي؟

• لو حصلك وعكة صحية، مش بتضطر إنك تدفع تكاليف الدكاترة والأدوية كلها، وعلى حسب خطة التأمين، ممكن ما تدفعش حاجة خالص، أو تدفع جزء من المبلغ.
• التأمين الصحي عادة بيشمل عائلتك (الزوج أو الزوجة والأطفال) كمان.
• على حسب الخطة طبعاً، التأمين ممكن يشمل تغطية جزء من تكاليف زيارة دكتور الأسنان، بس في الأغلب، تكاليف دكتور الأسنان بتبقى برة الخطة.
• التأمين ممكن يغطي جزء من تكاليف علاج تصحيح النظر عن طريق النظارة.
• التأمين ممكن يغطي جزء من تكاليف الحمل والولادة.