سبب نجاح لعبة PUBG عالميا

تاريخ النشر: في طرائف وعجائب

سبب نجاح لعبة PUBG عالميا

اعرف سر نجاح PUBG عالميا ومين المنافس الأول ليها؟

مين مجربش يلعب PUBG أو على الأقل عنده حد قريب منه مجنون بيها، اللعبة دي انتشرت عالميا خصوصاً بعد ما شركة Tencent المسؤولة عن تطورها ونشرها عملت نسختين منها على نظام Android و الـ IOS، وده ساعدها توصل لأكبر عدد من الناس في فترة قصيرة.

 

 

مين مؤسس لعبة PUBG Mobile؟

 

Brendon Greene هو مؤسسها، وهو ايرلندي الجنسية ولعبة PUBG مكنتش أول تجربة ليه، بس قبلها صمم أكتر من لعبة وأغلبهم فشل بس اللعبة دي كانت سبب الشهرة والغنى ليه.

 

 

ايه هى لعبة PUBG؟

 

تعتيرمن ألعاب البقاء، وبيدخل في الجيم 100 شخص متجمعين في خريطة معينة من خرايط اللعبة، وممكن تلعبها لوحدك أو تختار الفريق اللى تلعب معاه. في العادي أنت بتبدأ الجيم من غير أي حاجه تساعدك ولا سلاح ولا ذخيرة ولا لبس، وبعد كده لما بتروح منطقة معينة بتجمع كل اللى محتاجه عشان تبقى مؤهل تكمل الجيم.

 

 

ازاى  صناع  PUBG بيكسبوا منها؟

 

في أكتر من طريقة بيكسبوا منها زي الاعلانات اللى بيعملوها جوه اللعبة، وفيه طريقة تانية وهى الـ Microtransaction بمعنى ان اللعبة بتطلب منك تشتري اللبس والسلاح والذخيرة اللى هتستخدمهم وانت بتلعب وبتبقى بشكل مدفوع، ومن ضمن الحاجات اللى زودت الأرباح انهم باعوا اللعبة لـ منصة Steam.

 

 

إيرادات لعبة PUBG!

 

الإيرادات زادت بشكل كبير من نص 2020، وعلى حسب التقرير اللى قدمته شركة Sensor Tower وهى الشركة المخصصة لنشر إحصائيات الهواتف الذكية، وضحت أن لعبة PUBG النسخة الصينية حققت 1.3 مليار دولار لوحدها. وفي شهر مارس 2020 ومع انتشار كورونا وقعدة البيت في الكورانتين وصلت إيرادات اللعبة لـ 271 مليار دولار.

 

 

ايه علاقة الفنانين بـ PUBG؟

 

قبل العيد بكام يوم كتب النجم محمد هنيدي على حساباته الشخصية على السوشيال ميديا انه هيشارك في لعبة PUBG، وفعلا ده حصل واستخدموا صوته وحركاته اللى بيتشهر بيها في اللعبة والفكرة هتطبق لفترة محدودة، وقبله بفترة مغني الراب " ويجز" عمل أغنية ونزلها على اليوتيوب بيوضح فيها أنه هيشترك في لعبة PUBG في شكل من الشخصيات اللى بتظهر للمشاركين في اللعبة، ووجود الفنانين في لعبة PUBG زودت عدد الناس اللى بتلعب وخلت فيه جماهيرية أكبر.

 

 

النسخة الصينية من لعبة PUBG حققت 1.3 مليار دولار وفي 2020 حققت 271 مليار دولار

 

 

هل في ألعاب تانيه بتنافس لعبة PUBG ؟

 

لعبة Free Fire بتعتبر المنافس الأول لـ PUBG، وبتدور أحداث اللعبة في جزيرة وبتواجه 50 لاعب معاك بالأسلحة والموارد والجيم بياخد حوالي 15 دقيقة، واللعبة دي بتحتاج امكانيات ضعيفة ومش بتعتمد على أجهزة قوية لو بتلعبها من موبايل او كمبيوتر، ودي من ضمن الأسباب اللى ساعدت لعبة Free Fire انها تنجح وتكون ليها شهرة كبيرة.

 

 

مقارنة بين PUBG و Free Fire!

 

 

PUBG

 

وصل عدد تنزيلات لعبة PUBG لأكتر من 400 مليون على الـ App Store والـ Play Store. ووصل تقيمها على الـ Play Store لـ 4.3 وعلى الـ App Store 4.5

 

Free Fire

 

وعلى عكس المتوقع وصل عدد تنزيلات لعبة Free Fire لأكتر من 500 مليون على الـ Play Store وعلى الأساس ده أخدت لقب أكتر الألعاب اللى بتتحمل عليه، وبالنسبة للتقييم على الـ Play Store وصل لـ 4.3 وعلى الـ App Store 4.