اليوم العالمي لحقوق المستهلك! وازاي تعرف حقوقك قبل ما تدفع؟

تاريخ النشر: في عالم المال

اليوم العالمي لحقوق المستهلك! وازاي تعرف حقوقك قبل ما تدفع؟

اعرف ازاي تحمي فلوسك وبطاقة الائتمان وانت بتعمل شوبينج

المستهلك فى العالم كله ليه دور مهم جدا بيأثر على اقتصاد أي دولة لدرجة أن الرئيس الأمريكي جون كينيدي قال عنه :"إن كلمة مستهلك تشملنا كلنا ولذلك فهي تشكل أكبر مجموعة اقتصادية تؤثر وتتأثر بكل القرارات الاقتصادية العامة والخاصة، وبالرغم من هذا الثقل الكبير للمستهلك إلا أن صوته لازال غير مسموعا” ، والكلمة دي اتقالت في خطاب الرئيس الأمريكي  للكونغرس  يوم 15 مارس 1962 ومن وقتها بدأت الأمم المتحدة  والعالم كله يحتفل في نفي اليوم كل سنة بـ "اليوم العالمي لحقوق المستهلك"World Consumer Rights Day".

 

إيه هو قانون حماية المستهلك؟

 

في قانون دولي اتعمل عشان يحمي حقوق المستهلك، وبيتكون من بعض البنود اللي لازم يلتزم بيها التجار، واللي بتحمي المستهلك من أي غش ممكن يعمله التاجر وهو بيحاسبه، أو أي عيب يكتشفه في المنتج وقت البيع أو بعد شرائه. وفي الفترة الأخيرة القانون بقي بيطبق كمان علي حماية مستهلك الأونلاين شوبينج.

ممكن تعرف أكتر عن قانون حماية المستهلك من هنا، إيه هو قانون حماية المستهلك؟

 

 وقانون حماية المستهلك المصري حط بنود كتيرة بتحافظ على حقوقك، من أهمهم:

 

1-  أن السعر لازم يبقى واضح وشامل الضرايب أو أي  فرايض مالية  تانيه ويبقى ظاهر على المنتج بشكل مناسب.

2-  لو فكرت تحجز اي منتج، لازم تطلب إيصال علشان تثبت الحجز.

3-  تقدر تبدل المنتج اللى اشتريته أو ترجع فلوسك خلال 14 يوم ومن غير ما تقول أي أسباب بدل لسه معاك إيصال الدفع.

4-  لازم المحل اللي تشتري منه المنتج يبقى عنده بيان صادر من جهاز حماية المستهلك ويعلقه فى مكان ظاهر ويكون موضح فيه كل حقوقك.

 

قبل ما تدفع بـ بطاقة الائتمان، لازم تتأكد أن الرقم اللى مكتوب على شاشة الماكينة هو نفس الرقم اللى فى الفاتورة.

 

إزاي تحمي الكريدت كارد بتاعك:

 

 بما أن بطاقات الائتمان بقيت تعتبر من أكتر وسايل الدفع انتشار، هنقولك على شوية حاجات هتساعدك تحمي كارتك وانت بتستخدمها في مكن الـPOS 

1-  قبل ما تدفع بـ بطاقة الائتمان، لازم تتأكد أن الرقم اللى مكتوب على شاشة الماكينة هو نفس الرقم اللى فى الفاتورة.

2-  لو هشتري حاجة أونلاين بالكارت، لازم تتأكد أن الموقع آمن ومضمون 100%  ومتوافقش على حفظ بيانات البطاقة بتاعتك فى اى موقع لان ده ممكن يعرضك للسرقة.

3- قبل ما تدفع أقساطك الشهرية، لازم تبص على كشف الحساب اللى البنك بيبعتهولك كل شهر عشان تتأكد ان مفيش اي معاملات مش مصرح بيها، ولو لقيت معاملات غريبة لازم تتواصل مع البنك.

 

وتقدر تعرف أكتر عن طرق حمايتك لـ بطاقة الائتمان من هنا، إزاي تحمي الكريدت كارد بتاعك؟

أما لو عايز تجيب كارت جديد دلوقتي تقدر تقدم على بطاقة ائتمان بسهولة علي موقع فايدتي.