ازاي تختار شركة التأمين اللي هتأمن معاها شركتك؟

فى شوية نقط محتاج تراجعها قبل ما تقرر تتعامل مع شركة التأمين وتحصل منها على وثائق، في البداية لازم الشركة دي يكون عندها تغطيات تأمينية معروفة يحتاجها العميل زي:

·       الحريق والسطو والحوادث الشخصية، وغيرها من الأخطار الرئيسية، وأكيد الأخطار اللي بتتعرض لها المشروعات عمومًا بتختلف من مشروع للتاني.

·       أنت كمان ممكن تحتاج تغطية تأمينية لأمور زي خطر كسر الزجاج وعطل الآلات والماكينات والمسئولية المدنية قبل الغير في حالة تسبب مشروع العميل في إيذاء الغير سواء عميله أو جاره.

ازاي أختار بين شركات التأمين؟

1- "الملاءة المالية"/"العباية المالية" هي عبارة عن حجم رأس المال، والاحتياطيات المالية اللي تخليك مطمن انك الشركة دى هتوفي بالتزاماتها لو حصل حادث ليك.

2- لو حصل حادث الشركة تقوم بسداد التعويض  بسرعة علشان تقدر ترجع مشروعك تاني للعمل وبدون أي صعوبات، يعني إجراءات صرف التعويض تكون سهلة وبسيطة.

3- حجم الأقساط والتعويضات ومدى قوة شركائها في إعادة التأمين.

4- خبرة الشركة في تغطية الأخطار اللي بيطلبها العميل.

5- ممكن كمان تسأل أي عميل سابق للشركة علشان تاخد خبرته في التعامل مع الشركة دي، خاصة لما يحصل ضرر معين وتطلب صرف التعويض علشان تعرف سمعة الشركة في السوق ومع العملاء عاملة ازاي.

علشان ما تعلاش تكلفة التأمين وحجم القسط والسعر خلي بالك لازم تحدد دقة الأخطار 

هل في فرق بين شركة تأمين أجنبية أو خاصة أو حكومية؟

لا مفيش فرق كبير لأن النتايج هي أهم شئ، والمصريين موجودين في كل الشركات وعندهم كفاءة وخبرة كبيرة.

وعلشان ما تعلاش تكلفة التأمين وحجم القسط والسعر خلي بالك لازم تحدد دقة الأخطار اللي ممكن تتعرض ليها علشان التأمين يغطيها بالتحديد، وكمان اهتم بعرض الأمور الفنية مش بس اللي بتخص السعر.

اعرف أكترعن انواع التأمين على الحياة من هنا، ايه الفرق بين التأمين على الحياة والتأمين والادخار؟