يعني إيه تأمين عربية؟ | فايدتي

يعني إيه تأمين عربية؟

تاريخ النشر: في قاموس الفلوس

يعني إيه تأمين عربية؟

إيه هو التأمين علي العربية وإيه الأوراق المطلوبة؟

تصليح العربيات بيحتاج فلوس كتير، وإذا كان التصليح ده بسبب عطل حصل فيها أو حادثة فى كل الحالات هتحتاج حد يساعدك، وهنا بيجي دور تأمين العربية، وبوليصة تأمين العربية ضد الحوادث، الصغيرة زي اكصدام العربية أو الحاجات الأكبر.

 

إيه اللي بوليصة التأمين ضد حوادث العربية بتقدمه؟

 

الموضوع بيختلف على حسب البوليصة، ولكن دي الحاجات الأساسية اللي ممكن التأمين يقدمها:

١- شركة التأمين بتساعد في سداد جزء من مصاريف التصليح أو بتدفع كل المصاريف.

٢- تقديم وسيلة بديلة للمواصلات لغاية ما العربية تتصلح.

٣- خدمة المساعدة على الطريق في حالة الحوادث أو المشاكل في العربية.

٤- تغطية ضد الكوارث الطبيعية، زي مثلا لو العربية دخلت في مطر كتير وحصلها ضرر.

٥- تغطية ضد السرقة.

٦- تغطية ضد الحريق.

٧- الاستفادة من مراكز خدمة تصليح العربيات الخاصة بشركة التأمين.

٨- تغطية للأضرار اللي ممكن انت تعملها لغيرك لو دخلت في حادثة، وعادة بيبقى في حد أقصى.

 

التأمين ممكن يوفرلك وسيلة بديلة للمواصلات لغاية ما العربية تتصلح.

 

في المقابل بتدفع إيه؟

 

 يا إما بتدفع قسط تأمين كل شهر، أو ممكن تدفع تمن البوليصة مرة واحدة.

فى حالة أنك قررت تأخد قرض عربية، البنك بيشترط عليك تأمن على العربية أي إن كانت حالتها، جديدة أو مستعملة. فى بنوك بتشترط التعامل مع شركات تأمين معينة، وفى بنوك بتسيبك براحتك. 

قبل ماتقدم على قرض العربية تقدر تعرف البنك المناسب ليك من حاسبة قروض العربيات على فايدتي.

 

الأوراق اللي محتاج تقدمها عشان تعمل بوليصة تأمين للعربية:

 

-بيانات العربية: 

                  ١- رقم الشاسيه

                  ٢- موديل العربية 

                  ٣- سنة الصنع

                  ٤- القيمة المقدرة للعربية

-رقمك القومي

-رخصة العربية القيمة المقدرة للعربية 

 

وممكن تعرف ازاي تشتري تأمين؟ أي نوع من التأمينات بما فيهم تأمين العربية من هنا.