أسعار أفضل 5 منتجات makeup وskin care: بتبدأ من 10جنيه

كل بنت بتحب دايمًا تبان جميلة وتظهر بمظهر كويس قدام الناس ومن أهم الحاجات اللي لازم تهتمى بيها فى مظهرك هى بشرتك، علشان كده فايدتى هتقولك على الأساسيات اللى لازم تكون عندك فى ال makeup وال skin care.

 وهنعرفك كل حاجة عبارة عن ايه وهتفيدك ازاى وأسعار شوية منتجات اختارنهالك من ترشيحات خبيرات التجميل ودكاترة الجلدية علشان تبقى عاملة حسابك فى الميزانية.

مع العلم إن الأسعار دي بتختلف من مكان للتانى لكن مش هيكون الفرق كبير.

makeup أفضل الأنواع وأرخص الأسعار

خبيرات التجميل بتنصحك انك تكونى على طبيعتك وكل ما كان الميك بتاعك انعم واخف كل ما هتبانى اجمل وطبيعية اكتر علشان كده فايدتى اختارتلك 5 حاجات هتساعدك تعملى لوك خفيف مناسب للنزول الصبح سواء للشغل او مشاوير وللجامعة كمان.

1- كونسيلر

الكونسيلربيكون لاخفاء الهالات تحت العين وكمان بيتحط على الاماكن اللى عاوزة تنوريها زى الدقن والجبهة والأنف.

• LA girl  برو كونسيل : 104 ج
• ميبيلين فيت مى: 150 ج
• لوريال انفيلبل : 275 ج

2- باودر:

خبيرات التجميل بتنصحك انك تثبتى اى منتج كريمى استخدمتيه على بشرتك سواء كونسيلر او فاونديشن بالباودر علشان يظهر اللوك اجمل ويدوم لفترة اطول، فممكن تختارى اما باودر شفافة بدون لون او باودر بلون مناسب لبشرتك وكمان فى منها المضغوطة (compact) او ال loose.

ميبيلين فيت مى (مضغوطة): 175 ج

3- بلاشر أو تنت خفيف

البلاشر هو من الحاجات اللى مهم تختاريها بلون خفيف وناعم وتستخدميه بشكل خفيف وتوزعيه على الخدين والانف او الخدين فقط مع اهميه دمجه جيدا علشان يظهر ال make up look  بتاعك بطريقة ناعمة وجميلة.

• لونا: 74ج
• تشاو: 65 ج
• سيبال : 77 ج

4- ماسكارا:

خبيرات التجميل بتنصحك انك متستخدميش اكتر من طبقة واحدة من الماسكارا على رموشك علشان نوصل للوك الناعم .

• ايسنس لاش بريسنس : 118 ج
• سيبال دارك بلاك : 124 ج
• ميبيلين لاش سينشيشنال : 225 ج

5- روج lipstick : 

• سيبال :75 ج
• ميبيلين نيويورك 99ج
• فلورمار سيلك مات :168 ج

.لو حابة تعرفى ازاى تستخدمى المنتجات دى شوفى الفيديو ده

skin care:

اللى هو أساس جمال بشرتك ، كل ما اهتميتى ان بشرتك تكون صحية مش هتحتاجى غير شوية لمسات بسيطة من مستحضرات التجميل علشان تظهرى فى أجمل صورة.

 طب ايه هى المنتجات اللى ممكن تساعدك فى ده؟

1- غسول الوجه:

وده بتختاريه على حسب نوع بشرتك يعنى مثلا لو بشرتك دهنية، انتى محتاجة غسول للبشرة الدهنية اللى بيساعد على تقليل افراز الدهون فى بشرتك، لكن لو بشرتك جافة فانتى محتاجة غسول لطيف على البشرة .

 طب ايه أفضل غسول للبشرة الدهنية؟ 

 شوفى نصايح دكتور محمد الناظر للعناية بالبشرة الدهنية و المختلطة.

• ستارفيل جل : 93 ج
• لاروش بوزاى افاكلار 200 مل : 226ج
• سيرافى 500 مل : 345 ج

2- مرطب للبشرة:

تعرفى ان أساس ترطيب الجلد بيكون عن طريق الدم؟، كل ما اهتميتى بشرب المايه اكتر واتحركتى اكتر الدم بيوصل للجلد بصورة افضل وده بيزود من ترطيب الجلد، لكن سطح الجلد بيفقد مايه باستمرار وده ممكن يوصله للجفاف اللى بيقلل مناعته وبيزود احتمالة اصابته بالميكروبات والحساسية.

وييجى هنا دور المرطب ، المرطب هو حاجة بتتحط على سطح الجلد تعمل كطبقة عازلة بتقلل فقد المايه اللى بيحصل وبتحافظ على الجلد مترطب اطول فترة ممكنة. 

لو بشرتك دهنيه اختارى مرطب خفيف زى الجيل:

• شان جيل :130 ج
• بيبانثين : 99ج

اما لو بشرتك جافة اختارى مرطب كريمى

• سيرافى للبشرة الجافة 236مل : 320ج
• شان كريم : 130ج

3. مزيل makeup:

مهم جدا تتخلصى من الميك اب قبل النوم ودى من الخطوات اللى هتفرق فى جمال بشرتك.

• غارنيه 100مل : 42ج
• بايوديرما 250مل : 239ج
• أڤين 400 مل : 302ج

اعرفي أسعار ميكب آب ارتيست المشاهير بكام من هنا: اسعار ميكب ارتست المشاهير وتسريحات شعر العروسة 2022

4- صن سكرين:

وده اهم منتج لازم تستثمرى فيه فلوسك ومتستغنيش عنه ابدا لانه بيحميكى من تأثير اشعة الشمس على بشرتك واللى على المدى البعيد ممكن تسبب تجاعيد ومشاكل تانية كتير خليكى بعيدة عنها احسن.

• بوباى : 145 ج
• بيزلين : 210ج
• لاروش بوزاى : 400ج

5- مرطب شفاه:

• فازلين - لابيللو : 45ج
• بيزلاين : 69ج
• أڤين : 144ج
• زبدة كاكاو لونا بـ 10 جنيه

أخيرًا، دكاترة الجلدية بينصحوكي تشربي مايه بالكمية الكافية وتتحركي علشان الدم يوصل للجلد بصورة أحسن، وافتكري انك دايما جميلة وإن الـ makeup  هو حاجة بتبين تفاصيل جمالك الحقيقى وهى مش حاجة اساسية ابدا فى جمالك.