8 معلومات غلط مشهورة عن البنوك | فايدتي

8 معلومات غلط مشهورة عن البنوك

تاريخ النشر: في نصايح ببلاش

8 معلومات غلط مشهورة عن البنوك

لو عايز منتج من بنك راجع المعلومات الصحيحة عن البنوك!

كل سنة في يوم 15 مارس بنكتشف معلومات غلط عن حاجات كتير، في اليوم العالمي للـ Everything You Think is Wrong Day، والسنة دي فايدتي هتقولكم شوية معلومات غلط مشهورة عن المنتجات البنكية.

 

1- الكريدت كارد مش للـ بيقبض فوق الـ5 آلاف جنيه، ممكن تقدم عليه لو مرتبك بيبدأ من 1000 جنيه بس.

 

2- فترة سماح  بطاقة الائتمان بتبدأ من بداية الشهر فى البنك نفسه، وده بيتغير من بنك للتاني عشان كده لازم تسأل علي تاريخ بداية الشهر في البنك اللي هتقدم فيه على بطاقة الائتمان.

 لو محتاج كريدت كارد ادخل دلوقتي قارن بين البنوك المختلفة على فايدتي واختار وقدم على البنك المناسب ليك.

 

3- الفايدة اللي بتخاف منها مش بتنزل على الكريدت كارد إلا لو اتأخرت في السداد بعد فترة السماح، وفترة السماح دي بتكون ما بين 48 لـ 58 يوم.

 

4- متسمعش كلام اللي يقولك سدد القرض اللي عليك بدري عن ميعاده عشان تخلص الأقساط بسرعة، عشان في الحالة دي هتضطر تدفع غرامة السداد المبكر، والموضوع ده بيعتمد على البنك ونوع القرض، وفي بنوك مش بتدفعك غرامة.

 

فترة سماح  بطاقة الائتمان بتبدأ من بداية الشهر فى البنك نفسه

 

5- مصاريف القروض الإدارية بتتخصم من مبلغ القرض نفسه، فـ محتاج تدور على البنك اللي مصاريفه أقل.

ادخل دلوقتي قارن وقدم على  القرض الشخصي اللي محتاجه علي موقع فايدتي في دقايق.

 

6- الودايع مدتها أقصر من شهادات الاستثمار، وأطول مدة وديعة هي سنة واحدة، لكن البنك بيجدد وديعتك تلقائي بنفس المدة وسعر الفايدة بدل ما طلبتش سحبها. 

 

7- مش كل المنتجات البنكية بتحتاج مفردات مرتبك وانت بتقدم عليها، مثلا حسابات التوفير كل اللي بتحتاج تاخده وانت بتفتحها:

  • الرقم القومي أو الباسبور 
  • مبلغ الحد الأدنى لفتح الحساب 
  • مصاريف فتح الحساب

 

8- الفايدة على حسابات التوفير بتزيد بزيادة المبلغ المودع فيها، عشان كده في بنوك بتقسم الحسابات لأنواع بأسماء مختلفة على حسب سعر الفايدة ومبلغ الحد الأدنى لفتحه.