أمن عربيتك!
أمن عربيتك!
أمن عربيتك!

عارف أنك تقدر تأمن عربيتك بأقل من 2% من قيمة السيارة؟

faydety-logo-text

أفضل القروض الشخصية في البنوك المصرية

قدم دلوقتي علي أفضل قروض شخصية بالمبلغ والمدة اللي عايزها

مبلغ القرض

مدة القرض

نوع الوظيفة

يعني ايه قرض شخصي؟ 

 

القروض الشخصية هي نوع من القروض اللي بيقدمها البنوك للأفراد، وتعتبر وسيلة لتمويل حاجة خاصة زي مثلاً سفرية أو مولود جديد أو جواز، وهكذا. وطبعاً القرض معناه إنك هيبقى عليك قسط شهري بفايدة معينة حسب كل بنك ومبلغ القرض.

 

إيه نسبة الفائدة على القروض الشخصية في مصر؟

نسبة الفايدة على القرض الشخصي بتختلف من بنك لبنك، وبتعتمد على كذا حاجة منهم إن كان المرتب بيتحول للبنك أو لأ. في بنوك كتير بتوفر قروض مخصوصة للعملاء اللي مرتبهم بيتحول على حساباتهم في البنك، عادة نسبة الفائدة على القروض الشخصية في مصر بتكون ما بين 15-20%، عشان كده مهم أوي تسأل عن النسبة وتعرف ازاي هتتحسب قبل ما توافق على القرض.

 

ايه الحاجات اللي لازم تقارنها قبل ما تقدم على القرض؟

1. فوائد القروض الشخصية:

أول حاجة لازم تقارنها هي فوائد القروض الشخصية، محتاج تسأل في البنك اللي مرتبك بيتحول عليه وتعرف العروض اللي بيقدمها البنك لشركتك/ وظيفتك، وبعدين تقارنها بباقي الأسعار في البنوك المختلفة. 

 ازاي تلاقي اقل فائدة للقروض الشخصية؟

في بنوك بتقدم أسعار فايدة وطرق للتقسيط مختلفة للعملاء القدماء عندهم ولبعض الوظايف، زي المهندسين والدكاترة، والفايدة بتكون أقل عن العادي. ودايما البنك اللي عنده ورقك بيقدملك عروض وفايدة أقل من البنك اللي بتتعامل معه لأول مرة.

2.  طريقة تحويل المرتب:

في بنوك بتشترط تحويل مرتبك عليها عشان توافق على قرضك، خاصة في حالة القروض الشخصية. وفي بنوك تانية بتحتاج بس تحول قسط القرض عليها في مواعيده، وده ممكن يأثر على سعر الفايدة على القرض. 

3. المصاريف الإدارية:

دي نسبة على مبلغ القرض بتتخصم من مبلغ القرض قبل ما تستلمه، عشان كده محتاج تدور على البنك صاحب أقل مصاريف إدارية.

4. الغرامات ورسوم السداد:

لو اتأخرت مرة في السداد لازم تكون على علم بفترة السماح قد ايه والغرامة كمان هتكون قد ايه، وأكيد الأفضل تختار البنك الأقل غرامة وأكبر فترة سماح. 

خلي بالك كمان لو ناوي تسدد المبلغ كله قبل ما تخلص مدة القرض انك تعرف سعر الفايدة للسداد المبكر قد ايه وهتكون على مبلغ القرض كله ولا على المبلغ المتبقي بس، وفي بعض البنوك مش بعمل غرامة علي النوع ده من السداد.

5. الأوراق المطلوبة :

في بنوك بتحتاج أوراق كتير جداً عشان تديلك القرض وفي بنوك العكس تماماً، فـ شوف ايه البنك اللي معاك معظم أوراقه ومش محتاج لف كتير عشان تقدر تستلم قرضك في أقرب وقت ممكن، والخطوة دي كمان هتستريح فيها لو كده كده عميل في البنك فـ كده ممكن يكون عندهم ليك قروض شخصية بالبطاقة الشخصية بس.

 

امتى يكون القرض الشخصي أفضل اختيار ليك؟

1- توحيد الديون

لو عندك ديون كتير ومحتاج تخلص منها، ممكن توحدها وتدفعها من مبلغ القرض وبعد كده تبدأ تسدد القرض بس.

2- مصاريف جواز

بالنسبة لمصاريف الفرح والعفش فـ القرض الشخصي مناسب ليها، خصوصا لو حولت مرتبك على البنك اللي هتقدم على القرض فيه، لأن في الحالة دي مش هتحتاج تشغل بالك بتسديد القرض لأن البنك هيسحبه اوتوماتيك من غير ما تداين. 

3- سفرية بره مصر

عريس جديد وعايز تقضي شهر العسل بره مصر، أو مغامر وعايز تكتشف، يبقي خد لك قرض سفر يغطي مصاريف السفرية كلها، وده نوع من القروض الشخصية اللي مش معروفة.

4- تجديد بيتك

لو لسه شاري بيت جديد ومحتاج تجهزه، أو لو زهقت من ديكور وعفش بيتك القديم وعايز تغيره، القرض الشخصي هيساعدك تجدد بيتك. 

5- مصاريف مولود جديد

لو مستني بيبي ومش عارف تلاحق على مصاريفه، القرض الشخصي هيقف جنبك ويسندك من أول مصاريف الولادة وشراء كل احتياجات البيبي من غير ما تشيل هم وتسدد أقساط القرض على المدة اللى تريحك.

 

امتي بنستخدم حاسبة قروض شخصية؟

حاسبة قروض شخصية بتستخدم للمقارنة ما بين البنوك المختلفة من حيث نسبة الفائدة على القرض، والمصاريف الإدارية، عشان تلاقي أفضل قرض لـ التزاماتك المالية.

بلوج فايدتي

عايز تعرف عن عالم المال و ازاى بيأثر عليك؟ ادخل وافهم عن طريق المقالات بتاعتنا

ازاي تطلع كريدت كارد/Credit card بالبطاقة الشخصية بس؟

faydety logo text
linkedin
instagram
youtube
twitter
facebook

منتجات بنكية

قروض شخصية

قروض سيارات

تمويل المشاريع الصغيرة

بطاقات ائتمان

شهادات و ودائع

منتجات تأمين