أمن عربيتك!
أمن عربيتك!

أمن عربيتك!

عارف أنك تقدر تأمن عربيتك بأقل من 2% من قيمة السيارة؟


 

أرباح مسلسل Squid Game وصلت لـ 900 مليون دولار!

تاريخ النشر: في طرائف وعجائب

أرباح مسلسل Squid Game وصلت لـ 900 مليون دولار!

اتفرجت عليه ولا لسه؟

بعد مرور شهر واحد على إذاعة أول حلقاته، رفع قيمة مسلسل Squid Game لـ 900 مليون دولار رغم ان الانتاج كلف الشركة 21 مليون دولار بس!

Squid Game من انتاج شركة نتفليكس، وهو مسلسل كوري من بطولة مجموعة من الممثلين من كوريا الجنوبية، وهو عبارة عن 9 حلقات مدة الحلقة الواحدة حوالي ساعة تقريباً، وبيحكي عن مجموعة من الناس بيتم تجميعهم في مكان كبير تحت رقابة شديدة وبيتطلب منهم يلعبوا العاب زي اللي كانوا بيلعبوها في طفولتهم مقابل مبلغ كبير جداً هيحل كل مشاكلهم.

 

المسلسل بدأ عرضه في 17 سبتمبر 2021، وبسرعة جداً بقى من أحسن 10 عروض على نتفليكس والأكتر مشاهدة في العالم، لدرجة انه وصل لرقم 1 في 90 دولة بما فيهم أمريكا والمملكة المتحدة.

 

وحقق Squid Game 111 مليون مشاهدة في 17 يوم بس من تاريخ عرضه وبكده بقى أعلى نسبة مشاهدة لـ مسلسل في تاريخ نتفليكس/Netflix، ده غير كم الاعلانات والكوميكس على السوشيال ميديا اللي خلت كل اللي لسه مشافش المسلسل يقرر يشوفه عشان يفهم اللي بيحصل حواليه، ده غير الناس اللي مستنية الاعلان عن جزء تاني.

 

المسلسل بدأ عرضه في 17 سبتمبر 2021، وبسرعة جداً بقى من أحسن 10 عروض على نتفليكس والأكتر مشاهدة في العالم

 

تأثير المسلسل على شركة نتفليكس:

 

أسهم الشركة حققت نمو بعد عرض المسلسل بنسبة 7% ووصلت قيمة الشركة لـ 278.1 مليار دولار وده كله بسبب ان الناس قضت أكتر من 1.4 مليار ساعة في مشاهدة المسلسل، وده رفع قيمة المسلسل لـ 900 مليون دولار!

 

الغريب فى الموضوع ان فى بلاد كتير حذرت من مشاهدته خاصة للأطفال، زي ما أعلنت الفنانة أيتن عامر أن مدرسة بنتها بعتت تحذيرات للأهالي من مشاهدة المسلسل، وده طبعا بسبب الألعاب العنيفة ومشاهد القتل اللي موجودة فيه، لكن الموضوع ده مأثرش على نسب المشاهدة.

 

ادخل على Instagram Faydety وقولنا رأيك فى المسلسل!