أسعار أدوات الجرافيتي في مصر وتجيبها منين؟

الجرافيتي هو فن أجنبي دخل مصر من أيام ثورة يناير: وأشهر رسومات الجرافيتي هي اللي منتشرة في قهوة البستان في وسط البلد، هتلاقي هناك رسومات لمشاهير كتير منها رسمة صلاح الشهيرة وأم كلثوم ومحمود الخطيب ونجيب محفوظ وغيرهم من نجوم كبار. 

تاريخ بداية فن الجرافيتي

وبدأ الجرافيتي من زمان وتحديدا في الستينات في امريكا، وكان انتشار الجرافيتي وقتها متعلق بانتشار الهيب هوب والراب، واستخدام النشطاء السياسيين والمعارضين للنظام الامريكي رسم الجرافيتي للتعبير عن افكارهم، وده كان ليه علاقة بأن فن الجرافيتي هو عبارة عن رسم بيوصف حالة المجتمع وبيعبر عن افكار الشباب

خلي بالك

 رسم الجرافيتي على مكان عام او خاص دون اخذ الاذن من المالك او صاحب المكان يعتبر جريمة يعاقب عليها القانون، وده اللي خلى ناس كتير شايفه ان الجرافيتي هو نوع من انواع التخريب، ولكن الجرافيتي كمان بيستخدم في تحسين الأماكن القديمة المتلفة والشوارع برسومات مبهجة وعبقرية.

أدوات الجرافيتي

الجرافيتي عامة بيتم رسمة بspray paint على الجدران، بس مش لازم الجرافيتي يترسم على الحيطة، ممكن يترسم على اي حاجة، زي الكراسي والجزم واللابتوب كمان، وليه ادوات كتير غير الspray paint، في فرشة الرسم والوان وحتى اقلام الرصاص بيرسم بيها فنانين الجرافيتي.
 

فنانين الجرافيتي معروفين بلبسهم لقناع الغاز اللي بيحميهم من الغاز والكيماويات المتواجدة في ادوات الرسم، والبتسبب امراض خطيرة للرئة ممكن توصل للسرطان.
 

لو حابب تبدأ تتعلم جرافيتي، فلازم تجيب الأدوات دي الأول:
 

شوف الفيديو دا واعرف أكتر عن فن الجرافيتي وازاي الناس دي بتشتغل من هنا

أسعار ادوات الجرافيتي

 Black Book البلاك بوك

• سعره 50 جنيه
• وده بيبقى سكيتش خاص بيك تستخدمه لو حابب تتدرب على الرسمة قبل ما ترسمها

بخاخ spray paint

• 
  السعر 170 جنيه
• البخاخ هو اهم أداة تستخدمها في الجرافيتي، وتعتبر الريشة بالنسبة لفنان الجرافيتي، وفي منها ألوان كتير.

الكاب Caps

السعر: 12 جنيه
الكاب هو واحد من اهم الأدوات في الجرافيتي، لأن وظيفته هي تحديد مساحة الخط اللي عايز يطلعه البخاخ.

الاقلام العريضة Marker

السعر: 100 جنيه
الأقلام العريضة او marker بتستخدم في توقيع الفنان صاحب الرسمة.

القفازات gloves

السعر: 100 جنيه
بتستخدم القفازات في حماية ايدك من المواد الكيماوية

اعرف أكتر اسعار أدوات الجرافيتي في مصر واشتريها من هنا