أمن عربيتك!
أمن عربيتك!
أمن عربيتك!

عايز وسيط تأمين ببلاش؟ ادخل هنا واختار التأمين المناسب ليك بأكتر من طريقة تقسيط وسيب الباقي علينا.

faydety-logo-text

تعرف إيه عن تاريخ الشوكولاتة وتجارتها العالمية؟

تاريخ النشر: 04 فبراير 2021

طرائف وعجائب

 تعرف إيه عن تاريخ الشوكولاتة وتجارتها العالمية؟

عارف إيه أكتر بلد بتأكل شوكولاتة وبتاجر فيها؟

تخيل أن الشوكولاتة اللي اجتمع على حبها معظم سكان العالم كانت في يوم من الايام بتتعامل زي العملة، وبيحصل بيها تبادل تجاري وبتدفع لسداد الضرايب، كل ده وهي لسه حبات كاكاو قبل ما يكتشفوا خلطة الشوكولاتة في أمريكا الوسطى حوالي سنة 1900 قبل الميلاد، حضارات المنطقة دي اتعملوا مع شجرة الكاكاو على أنها شجرة الآلهة اللي بيعملوا منها مشروب يقربهم من الالهة بحبات الكاكاو مع الفلفل الحار وشوية توابل، ده غير استخدامها كعملة. واحد من المكتشفين الأسبان وصل الكاكاو لأوروبا، ومن بعده ظهرت الشوكولاتة في القرن الـ19 لأول مرة علي إيد كيميائي هولندي اسمه كونراد يوهانيس فان هوتن اللي اخترع آلة ضغط على الكاكاو بتطلع زبدة كاكاو اللي خلطها مع شوية مكونات عشان تظهر الشوكولاتة بشكلها المعروف دلوقتي.

 

تجارة الشوكولاتة

 

تعتبر تجارة الشوكولاتة من أشهر أنواع التجارة في الحلويات في العالم، واللي بيسيطر على معظمها بلاد أوروبية.

أعلي 10 بلاد في إنتاج وتصدير الشوكولاتة على حسب أخر الإحصائيات هما:

 

1- ألمانيا: بنسبة 16.9% من التصدير الكلي للشوكولاتة

2- بلجيكا: بنسبة 10.9%

3- إيطاليا: بنسبة  7.3%

4- هولندا: بنسبة 7%

5- بولندا: بنسبة 6.3%

6- الولايات المتحدة الأمريكية: بنسبة 5.7%

7- كندا: بنسبة 5.5%

8- فرنسا: بنسبة 4.2%

9- انجلترا: بنسبة 3.3%

10- سويسرا: بنسبة 2.9%

 

أعلي 4 بلاد في إنتاج الشوكولاتة:

 

1- الولايات المتحدة: بيع الشوكولاتة بيكسب اللي شغالين فيه أكتر من 20 مليار دولار سنوية.

2- سويسرا: الإيرادات السنوية من مبيعات الشوكولاتة في سويسرا حوالي 14 مليار دولار.

3- بلجيكا:  مبيعات الشوكولاتة البلجيكية بتوصل حوالي 12 مليار دولار سنوية.

4- ألمانيا: مصانع الشوكولاتة الألمانية بتكسب حوالي 10 مليار دولار سنوية.

 

المواطنين السويسريين هما أصحاب أعلى معدل في استهلاك الشوكولاتة للفرد.

 

أعلي إنتاج للكاكاو

 

من المتوقع أن أعلى نسبة إنتاج لشجر الكاكاو تكون في قارة أمريكا الوسطى والجنوبية مكتشفينها، لكن الحقيقي أن بلاد غرب أفريقيا هما أصحاب الرقم ده بنسبة بتوصل لـ 30% من الإنتاج العالمي للكاكاو، وتعتبر ساحل العاج أكبر مصدر ليه، وبيجي بعدها غانا ونيجيريا والكاميرون. والسر يرجع لزراعة بريطانيا لأشجار الكاكاو في البلاد دي أيام استعمرها ليهم في القرون اللي فاتت.

 

عن الشوكولاتة

 

-المواطنين السويسريين هما أصحاب أعلى معدل في استهلاك الشوكولاتة للفرد.

 - أشهر مدينة في صناعة الشوكولاتة هي مدينة زيوريخ السويسرية. 

- سويسرا بتنتج أكتر من 100 نوع من الشوكولاتة ومن أشهر مصانعها: Lindt و Nestle و Toblerone.

- بلجيكا أتشتهرت بتجارة الشوكولاتة بعد اختراع الـ Pralines أو الشوكولاتة المحشية قهوة ونوجا ومكسرات علي إيد صيدلي سويسري هاجر لبلجيكا في بداية القرن الـ20، واللي بدأ اختراعه بحشو الشوكولاتة بالأدوية عشان يخفف من مرارتها علي المرضي.

- أكبر مصنع شوكولاتة في العالم ملك Barry Callebaut وموجود في بلجيكا.

- مصنع Cadbury المشهور موجود في بريطانيا. 

- Ferrero Rocher هي شركة إيطالية وصاحبة فكرة اختراع النوتيلا.

-أمريكا فيها 3 من أكبر شركات الشوكولاتة في العالم، Mars و HERSHEY و Mondelez 

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع