اليوم العالمي للدولار الأمريكي وأسرار أشهر عملة فى العالم

تاريخ النشر: في طرائف وعجائب

اليوم العالمي للدولار الأمريكي وأسرار أشهر عملة فى العالم

اعرف معلومات عن الدولار، وازاي بيأثر على اقتصاد العالم!

الدولار الأمريكي حاليا هو العملة النقدية الأكتر تأثيراً في الاقتصاد العالمي، والناس على مستوى العالم كله بتدور عليه وبتهتم بمعرفة سعر عملة بلدهم مقابل الدولار، وكتير مننا بيحدد قوة اقتصاد الدولة أو ضعفه عن طريق قياس عملة الدولة دي بتساوي كام دولار دلوقتي وكانت بتساوي كام قبل كده، وده كله بسبب كمية التداول بالدولار الأمريكي، لأنه يعتبر من أكتر العملات المطلوبة في سوق رأس المال العالمي.


 

ازاي الناس بتحتفل بيوم الدولار؟


 

يوم 8 أغسطس سنة 1786 هو ذكرى اليوم الذي أنشأ فيه الكونجرس النظام النقدي الأمريكي، وعشان كده أعتبر اليوم الدولي للدولار، وطريقة الاحتفال بيه بتكون عن طريق صرف دولار أو تحويش دولار واحد.


 

ليه الدولار مهم؟

 

الدولار الأمريكي هو النسبة الأكبر من الاحتياطي النقدي للعملات في معظم البنوك المركزية في العالم، بحيث بيستخدم الدولار في 90% من التعاملات التجارية حول العالم، ده غير الأمان والاستقرار في سعر الصرف العالمي وده اللي خلى معظم رجال الأعمال والتجار والمزارعين يستخدموا الدولار الأمريكي في معاملاتهم المالية.

 و زيادة العرض والطلب على الدولار من أهم الأسباب اللي زودت أهميته العالمية لأن الطلب على الدولار طول الوقت في تزايد مستمر وده بسبب استقرار معدل قيمة سعر الصرف العالمية له. ده غير أن الولايات المتحدة الأمريكية بتمتلك أكبر احتياطي للذهب في العالم، وده أثر في أهمية عملتها. 


 

وتقدر تعرف اخر اسعار الدولار يومياً في البنوك المصرية عن طريق محول عملات فايدتي 


 

الاستقرار في سعر الصرف العالمي خلى معظم رجال الأعمال والتجار والمزارعين يستخدموا الدولار الأمريكي في معاملاتهم المالية

 

معلومات عن الدولار أول مرة تعرفها:


 

1- ورقة الدولار الأمريكي مش بتمثل أي حاجة من احتياطي الدهب في الدولة، يعني ماينفعش تروح للحكومة الأمريكية وتقول انك عايز تبدل الدولار اللي معاك بـ دهب، وده بقرار طلعته الحكومة سنة 1973.


 

2- ورقة الدولار مصنوعة من القطن والكتان عشان متتقطعش لما تتغسل، بس كمان عشان تبقى صعبة التزوير هتلاقي فيها خيطين حرير واحد احمر والتاني أزرق.


 

3- على وجه ورقة الدولار هتلاقي حرف مطبوع جوه ختم أسود، الختم ده خاص بإمضاء البنك المركزي الفيدرالي، والحروف اللي في الختم بتدل على الولاية اللي اتطبع فيها، زي مثلاً:

A= بوسطن

B= نيويورك

C= فيلادلفيا

D= كليفلاند

E= ريتشموند

F= أتلانتا

G= شيكاغو

H= سانت لويس


 

4- مارثا واشنطن هي المرأة الوحيدة اللي صورتها اتطبعت على عملة أمريكية.


 

5- تمت طباعة أول عملة ورقية في الولايات المتحدة الأمريكية سنة 1862، وكانت حل لمشكلة نقص العملات المعدنية.


 

6- أعلى فئة تم تداولها على الإطلاق هي 10,000 دولار.


 

7- الدولارات المزورة بيتم اكتشافها معظم الوقت بسبب أنها بتكون مثالية أكثر من العملات الورقية الأصلية.


 

8- فى بعض البلاد بتستخدم الدولار الأمريكي في معاملاتها الرسمية غير أمريكا، هما:

 

  • المكسيك، في الفنادق والمناطق السياحية
  • بورتريكو
  • جزيرة جوام
  • هندوراس، في المناطق السياحية
  • كامبوديا
  • بنما
  • زيمبابوي