امتى تبص في مرايات العربية وأنت سايق عربيتك؟
تاريخ النشر: 08 مارس 2022 طرائف وعجائب
لو بتضغط على الفرامل ضغطة جامدة فجأة لازم تبص في المراية
من الحاجات اللي بيقف قدامها أي مبتدئ في السواقة ولسه جديد، هي امتى يبص في مرايات العربية وهو سايق، هنقولك النهاردة ايه هي المواقف اللي تستاهل فعلًا تبص في المراية علشان مش كل شوية تبص في المرايات وتشتت نفسك ودا مش صح لأنك لازم تكون مركز مع الطريق.
ما تراقبش المراية في الحالة دي
طول ماأنت ماشي في حارتك ماتراقبش المراية علشان ما تشتتش نفسك ع الفاضي، ولازم تركز مع الطريق كويس جدًا.
نصايح تانية تهمك اعرفها من هنا: 8 أخطاء شائعة بتدمر الفتيس الاوتوماتيك وازاي تأمن نفسك؟
بص في المراية في الحالات دي
- لو هتنقل من حارتك وتروح حارة تاني.
- لو بتضغط على الفرامل ضغطة جامدة فجأة لكن لو ضغطة بسيطة مش لازم تشتت نفسك وتبص في المراية.
- لو عاوز تفرمل علشان ما تاكلش مطب لازم تبص في المراية.
شوف الفيديو دا من هنا هيساعدك كتير في امتى تبص في المرايات وأنت سايق عربيتك
خلي بالك
المهم دايمًا إنك تمشي بالعربية بسرعة مناسبة مع الطريق حتى في الشوارع الضيقة امشي بالسرعة المتوسطة علشان اللي وراك ما يقعدش يزمرلك.
حط في اعتبارك إنك لو ماشي في شارع ضيق مايعديش إلا عربية واحدة وفي حد وراك فكدا كدا لو بصيت في المراية هو دايمًا ماشي وراك فماتبصش في المراية كتير إلا لو زمرلك علشان أنت بطئ مثلًا أو عاوز يقولك حاجة غير كدا ما تشتتش نفسك.
لو أنت لسه مبتدئ في السواقة فدي نصايح هتساعدك جدًا اعرفها من هناك: أخطاء بيعملها كل المبتدئين في استخدام الدبرياج: أمن نفسك
ماتفاجأش اللي وراك
خليك دايمًا محترف واحترم الطريق وقواعد المرور لو عاوز تدخل دخلة لازم تدي إشارة وتبص في المراية كويس، وبلاش تفاجئ اللي وراك علشان ممكن يخبط فيك وساعتها هتكون أنت اللي غلطان.
لكن في حالات مفاجأة زي إنك تلاقي طفل بيعدي الطريق فدا بيستدعي منك إنك تدوس فرامل وساعتها مش هتكون أنت الغلطان في حاجة واللي وراك لازم يكون فاهم دا، ولو مالحقش يقف هتكون المشكلة عنده هو.
أمن دلوقتي على عربيتك، قارن وقرر واعرف أفضل العروض من هنا
