برامج شهر رمضان 2022: كواليس برنامج مقالب رامز جلال الجديد

مع قرب بداية شهر رمضان المبارك 2022 الخريطة الرمضانية بدأت تظهر من حيث المسلسلات والبرامج، "فايدتي" هتقولك النهاردة ايه هي أشهر برامج شهر رمضان وهل رامز جلال هيعمل برنامج مقالب زي كل سنة ولا ايه؟

كمان هنقولك على أسماء القنوات المختلفة اللي هتعرض برامج رمضان 2022 زي القاهرة والناس والمحور.

اعرف تشتري ياميش رمضان منين وبكام من هنا: تشتري ياميش رمضان 2022 منين بأرخص الأسعار؟

برامج شعر رمضان 2022

البرامج الدينية

وبالنسبة للبرامج الدينية في السباق الرمضان 2022 فالداعية الإسلامي مصطفى حسني هيقدم برنامج رمضاني، وهيتعرض على قناة On ، ومنصة Watch it.

كمان هيكون في برنامج "لعلهم يفقهون" اللي بيتم هيتم عرضه طول شهر رمضان 2022 وهيكون من تقديم خالد الجندي ورمضان عبد المعز على قناة dmc، وكمان تطبيق ومنصة Watch it.

برنامج "اسأل مع دعاء" هيستمر طول شهر رمضان على قناة النهار.

أسما إبراهيم هتقدم برنامج حبر سري على القاهرة والناس

قناة القاهرة والناس

في رمضان 2022 هيتم عرض الموسم الرابع من برنامج "العباقرة عائلات" مع عصام يوسف على شاشة "القاهرة والناس".

برنامج "حبر سري للإعلامية أسما إبراهيم في رمضان 2022على "القاهرة والناس".

اعرف أكتر عن قايمة مسلسلات رمضان 2022 من هنا: اعرف قايمة مسلسلات رمضان 2022 وأبطالها

المحور

الإعلامية بسمة وهبة هتقدم برنامج في رمضان 2022 وهو الموسم التاني من برنامج "العرافة" على قناة "المحور".

برنامج "العرافة" هيتم عرضه يوميًا طول شهر رمضان 2022 بعد الإفطار مع نجوم الفن والرياضة، وهيكون فيه كتير من المفاجآت، والتفاصيل والأسرار الخاصة بضيوفها.

ولو أنت ماتعرفش خلينا نقولك إن برنامج العرافة دا بتعتمد فيه بسمة وهبة على الاستعانة بشخصية مجهولة تتحدث من وراء حجاب تدعى "العرافة"، ودورها يقوم على مواجهة ضيوف البرنامج بأسرار لايعلمها أحد عنهم والمشاكل التي تعرضوا لها في حياتهم، والمصائب التي تورطوا في مراحلهم العمرية المختلفة.

جبنالك كل عروض كرتونة رمضان 2022 اعرف أكتر من هنا: اعرف عروض كرتونة رمضان 2022 في الهايبر ماركت

رامز جلال

في نهاية فبراير 2022، رامز جلال قال تصريحات لبرنامج et بالعربي عن برنامجه في رمضان 2022: في رمضان الجاي إن شاء الله ربنا يسهل وييسر ويعديهالنا على خير، عندنا مقلب صغير يارب يعجب الناس.

لغاية دلوقتي ماتمش الإعلان رسميًا عن موقف برنامج رامز جلال المقبل في رمضان وكذلك اسمه.

اعرف كواليس أكتر عن برنامج رامز جلال من هنا: رامز جلال هيعمل برنامج مقالب في رمضان 2022؟