تاريخ الكريدت كارد

بطاقة الائتمان أو الكريدت كارد هي أكتر وسيلة دفع منتشرة في كل العالم اليومين دول بسبب سهولة الدفع بيها، سواء كان معاك فلوس أو لأ الكريدت كارد أسهل لأنها بتسمحلك تشتري كل اللي أنت عايزه وتقدر ترد المبلغ بالتقسيط، بس تعرف جت منين الفكرة العظيمة دي؟

في قعدة عشا.. زي ما بقولك كده في قعدة عشا سنة 1950 كانت بتجمع بين رئيس شركة «Hamilton Credit Corporation» فرانك ماكنمارا وأصحابه اللي هما المحامي بتاعه وألفريد بلومنجديلز حفيد صاحب محلات Bloomingdales المعروفة وبعد ما خلصوا العشا وجه وقت دفع الحساب اتفاجئ "فرانك ماكنمارا" إنه مفيش معاه فلوس طبعاً كان موقف مُحرج جداً بالنسبة له وكلم مراته علشان تبعتله فلوس بس وهو قاعد فكر إزاي مايتحطش في الموقف المُحرج ده تاني فقال: إحنا ليه مانعملش كارد زي اشتراك في مطاعم ومحلات مُعينة أي حد يكون معاه الكارد ده يدخل ويشتري اللي هو محتاجه من غير ما يدفع فلوس وفي آخر الشهر نبعتله الفاتورة بكل اللي صرفه خلال الشهر. 

وصل الكريدت كارد مصر سنة 1990 عن طريق بنك مصر وأصدر منها 3 فئات بس (جولد كارد، بيزنس كارد وستار كارد)

وبالفعل بدأوا في تنفيذ الفكرة دي وعملوا كارد عادي جدا من الكرتون بيديلك الفرصة تشتري من المحلات والمطاعم اللي أساميهم مكتوبة عليه ويسددوا الفلوس اللي عليهم في آخر الشهر.      

بعد كده أخد الفكرة بنك فرانكلين الوطني سنة 1951 وسماها National card أو الكارت الوطني ومن بعده البنك الأمريكي اللي عمل American express card اللي كانت بتدي لعملائها الفرصة إنهم كمان يقدروا يدفعوا بيها مقابل خدمات الفنادق والشركات .

الكريدت كارد في مصر:

وصل الكريدت كارد مصر سنة 1990 عن طريق بنك مصر وأصدر منها 3 فئات بس (جولد كارد، بيزنس كارد وستار كارد)

ومن بعده البنك الأهلي وبنك القاهرة.