تاريخ اليورو الأوروبي، امتي بدء استخدامه وسر شعاره!

اليورو Euro هو العملة الرسمية لدول الاتحاد الأوروبي، واليورو الواحد متقسم لـ 100 سنت، وتم اعتماد اسمه رسميًا في 16 ديسمبر 1995، وظهرت عملة اليورو في 1 يناير 1999، بعد أكتر من 30 سنة من التخطيط.

قادة أوروبا كانوا عاوزين يعملوا عملة موحدة للقارة كلها من الستينيات، ولكن بعد سنين طويلة من المفاوضات ومعارضة من بريطانيا، العملة ظهرت أخيرًاسنة 1999، وفي 1 يناير من كل سنة بيتم الاحتفال باليوم العالمي لليورو.

لكن العملات الورقية الفعلية والعملات المعدنية ماتمش استخدامها حتى سنة 2002، وحاليًا بيستخدمه حوالي 334 مليون أوروبي في 19 دولة، هما:

هولندا - لوكسمبروج - فنلندا - فرنسا - بلجيكا - النمسا – البرتغال – إيطاليا - إسبانيا - إيرلندا – ألمانيا – اليونان – سلوفينيا - مالطا - قبرص – سلوفاكيا - إستونيا - لاتفيا – ليتوانيا.

الدول الأوروبية اللي مش بتتداول اليورو!

بعض الدول الاوروبية مش بتستخدم اليورو لأسباب مختلفة، هما:

• المملكة المتحدة بريطانيا
• سويسرا
• الدنمارك
• المجر
• التشيك
• رومانيا
• بولندا 

ايه السر وراء اختيار رمز اليورو €؟

أوقات الناس بتفتكر إن الرمز € عبارة عن C  بالإنجليزية يقطعه قضيبان أفقيا أو حرف الـ E، لكنه في الحقيقة فكرته من الأبجدية الإغريقية، اسم الحرف "إيبسيلون"، واختياره علشان يعبر عن الفخر بالحضارة الأوروبية وتأكيد للاستمرارية التاريخية.

الفئات المختلفة من عملة اليورو:

العملة الورقية لليورو اتصممت وعليها رسومات هندسية ترجع لـ عصور مختلفة، وخريطة لأوروبا الموحدة، وصورة لعلم أوروبا الموحدة الشهير اللي بيضم 12 نجمة صفراء في صورة دايرة.

وبالنسبة للقطع المعدنية فـ ليها وجهين، الأول يحمل رمز أوروبي عام، والتاني عليه وجه محلي للدولة المشاركة .

الفئات المختلفة لليورو:

اليورو له 7 أوراق مصرفية و 8 قطع نقدية

 فئات الأوراق:

500 ، 200 ، 100 ،50 ،20 ،10 ، 5.

فئات القطع النقدية:

1 يورو، 2 يورو، 5 سنت يورو، 10 سنت يورو، 20 سنت يورو، و50 سنت يورو.

اعرف اخر سعر لليورو بالمقارنة بالجنيه المصري في البنوك المصرية على موقع فايدتي.