تاريخ تحويل الفلوس

تاريخ النشر: في طرائف وعجائب

تاريخ تحويل الفلوس

هو تحويل الفلوس كان أمر سهل زمان؟

تحويل الفلوس جزء أساسي من الحياة التجارية دلوقت، بس امتي ابتدى؟

 

الحوالة البريدية :

 

الحوالة عاملة زي الشيك المعتمد، وبتبقى لشخص معين ومبلغ معين، وعادة الشخص بيروح يدفع لمكتب البريد الفلوس اللي عاوز يبعتها زائد الرسوم، وبعد كدة المكتب بيبعت أمر دفع لمكتب البريد التاني على حسب مكان الشخص اللي محول له الفلوس، وبعد كدة الشخص ده بيروح ياخد الفلوس بالبطاقة.

أول شركة للحوالات المالية كانت اتأسست في بريطانيا في 1792، ولكن الموضوع ماكانش مربح بالنسبة للشركات الخاصة لإن الرسوم الإدارية كانت عالية، وبعد كدة شركة البريد قررت تقدم الخدمة اعتماداً على شبكة مكاتب البريد اللي عندها في 1838.

البريد المصري اتأسس في 1865، وفي وقت الملك فؤاد تم تطوير خدمات البريد عشان تضم الخدمات التجارية.

 

أول نظام كان معمول لشركة طيران أمريكاني عن طريق شركة IBM لتحويل الفلوس ما بين مكاتب الطيران لتسهيل الحجوزات.

 

مرحلة التلغراف:

 

تحويل الفلوس بقى ممكن بعد تقديم أول تلغراف تجاري (برقية) في 1840، وهي كانت طريقة لبعت الرسايل عن طريق إشارات مورس، وفي 1971 شركة ويسترين يونيون بقت من أول الشركات اللي قدمت خدمة بعت الفلوس عن طريق التلغراف، وكانت بتعتمد على إن الواحد بيروح يدفع الفلوس اللي عاوز يحولها زائد نسبة للشركة لمكتب التلغراف، وبعد كدة المكتب بيبعت لمكتب تلغراف تاني حسب المنطقة اللي الشخص بيستقبل الفلوس فيها ويقوله يدفع الفلوس للشخص ده.

 

التحويل الإلكتروني:

 

التحويل الإلكتروني ما بين البنوك بقى متاح في 1978 في أمريكا، رغم إن أول نظم تحويل إلكتروني كانت موجودة في الستينات بعد ما الشركات ابتدت تستخدم الكمبيوتر، وأول نظام كان معمول لشركة طيران أمريكاني عن طريق شركة IBM لتحويل الفلوس ما بين مكاتب الطيران لتسهيل الحجوزات.