أمن عربيتك!
أمن عربيتك!
أمن عربيتك!

عارف أنك تقدر تأمن عربيتك بأقل من 2% من قيمة السيارة؟

faydety-logo-text

تاريخ ديزني لاند اللي بدأ بقرض وأصوله وصلت للمليارات!

تاريخ النشر: 05 ديسمبر 2021

طرائف وعجائب

تاريخ ديزني لاند اللي بدأ بقرض وأصوله وصلت للمليارات!

زورت واحدة من ملاهي ديزني قبل كده؟

 زي النهاردة من كل سنة وتحديدًا في 6 ديسمبر العالم بيحتفل بـ"والت ديزني"، الراجل اللي قدم لنا أشهر فار في التاريخ "ميكي ماوس" سنة 1928، و أفلام أنيميشن وبرامج تليفزيونية مختلفة وكمان مدن ديزني لاند في العالم كله.

أول مدينة ديزني لاند في العالم كانت في أمريكا، وتحديدًا في كاليفورنيا وافتتحت سنة 1955 على أرض مساحتها 160 فدان، واتكلفت وقتها 17 مليون دولار، وحاليًا بتدخل سنويًا في قايمة أماكن الترفيه الأكتر زيارة وربح في العالم.

 

تاريخ أول ديزني لاند:

 

والت ديزني، كان عنده رغبة في تطوير استوديوهات الشركة علشان تبقى مركز ترفيهي للعاملين وأسرهم لكن غير الخطة علشان تبقى بداية لسلسلة أشهر مدن ملاهي في العالم، في البداية عطل شوية بسبب رفض سلطات المدينة للمشروع.

وسنة 1952، ديزني أخد خطوة فعلية علشان ينجز مخططه في تأسيس شركة خاصة بيه، وبالرغم من أن آراء كل الخبراء المصرفيين كانت ضد طموحاته قدم ديزني على قرض من البنك بضمان وثيقة التأمين على حياته واضطر كمان يبيع أحد عقاراته.

بدأ في بناء المدينة سنة 1954، وانتهى بعدها بسنة وتم الافتتاح في 17 يوليو 1955. وتقدر أصول ديزني حاليا بـ 200 مليار دولار.

 

أشهر مدن ديزني لاند حول العالم:

 

  • كاليفورنيا
  • فلوريدا
  • طوكيو
  • باريس
  • هونج كونج
  • شنغهاي

  

ديزني لاند باريس:

 

ديزني باريس تعتبر من أشهر فروع الملاهي خاصة أنها فى واحدة من أكتر عواصم العالم المليانة بالسياح طول السنة. وعندهم أكتر من نوع للتذاكر هي:

 

1- التذكرة الميني

  • بـ 53 يورو للكبار (955 جنيه مصري)، و48 يورو للأطفال (865 جنيه مصري)"الأقل من 12 سنة".
  • تقدر بالتذكرة دي تقضي يوم كامل في ديزني لاند من يوم الاثنين ليوم الجمعة وإمكانية زيارة حديقة واحدة.
  • لكن لو عاوز تزور حديقتين السعر هيزيد لـ 73 يورو للكبار (1315 جنيه مصري)، و68 للأطفال (1215 جنيه مصري).

 

 أول مدينة ديزني لاند في العالم كانت في أمريكا، وافتتحت سنة 1955 على أرض مساحتها 160 فدان، واتكلفت وقتها 17 مليون دولار

 

2- التذكرة ماجيك

  • سعرها 69 يورو للكبار(1243 جنيه مصري)، و63 يورو للأطفال (1135 جنيه مصري).
  • التذكرة بتشمل إنك تقضي يوم كامل في أي شهور السنة باستثناء العطلة اللي بتكون فيها المدارس.
  • ولو عاوز تزور حديقتين التذكرة هتزيد لـ 89 يورو للكبار (1604 جنيه مصري)، و83 يورو للأطفال (1495 جنيه مصري).

 

3- التذكرة سوبر ماجيك

  • دي بتبقى صالحة لأي يوم طول السنة.
  • سعر التذكرة لما تزور حديقة واحدة 73 يورو للكبار (1315 جنيه مصري) أما الأطفال 66 يورو (1189 جنيه مصري).
  • ولو حديقتين فسعر التذكرة للكبار 88 يورو (1586 جنيه مصري)، وللأطفال 81 يورو (1460 جنيه مصري).

 

4- سوبر ماجيك بلس

  • التذكرة دي بتصلح ليوم واحد فقط في السنة، وتختلف عن غيرها من التذاكر السابقة في أنها تشمل زيارة حديقة واحدة فقط.
  • وسعرها 69 يورو للكبار(1243 جنيه مصري)، أما للأطفال 72 يورو (1297 جنيه مصري).

 

اعرف اخر اسعار العملات الاجنبية فى البنوك المصرية على فايدتي!

لو محتاج تعرف باقي اسعار تذاكر فروع ديزني المختلفة، أو تعرف اخر اخبار أشهر مدينة ملاهي  فى العالم، تابع موقعها الرسمي من هنا.

اختيار المحررين

faydety logo text
linkedin
instagram
youtube
twitter
facebook

منتجات بنكية

قروض شخصية

قروض سيارات

تمويل المشاريع الصغيرة

بطاقات ائتمان

شهادات و ودائع

منتجات تأمين