تفتكر سائق طريق السويس هيستفيد من وثيقة تأمين السيارة؟

"كأنه مشهد أكشن من أفلام هوليوود " دا كان اللي بيدور في السوشيال ميديا من يوم ما نزل فيديو مطاردة السائق المتهور على طريق السويس يوم 24-9-2022 و تقدر تشوف الفيديو من هنا 

اختلفت الناس مابين تأييد فعل سائق النقل و مابين الرفض و اتهامه بالبلطجة على السائق المتهور

مأمن على عربيتك ولا لا؟ اعرف أكتر عن أفضل شركات تأمين السيارات من هنا

بس مش دا اللي يهمنا خالص، احنا عايزين نعرف يا ترى بعد ما عربية السائق المتهور اتخبطت هل التأمين هيغطي تكاليفها؟

وثائق تأمين السيارات بتغطى ايه؟

أولا لازم نعرف إن وثائق تامين السيارات بتصدر للسيارات الملاكي اللي بيتم استخدامها لأسباب اجتماعية و منزلية أو بغرض التنزه

دا غير إنها بتصدر للسيارات ذات المنفعة غير الشخصية و دي بيكون ليها وثائق تأمين تجارية زي الأجرة و النقل و الباصات و غيرهم

و دلوقتي تقدر تقارن مابين أسعار وثائق تأمين السيارات و تصدرها بسهولة من هنا

تأمين السيارات بيحمي عربيتك في حالة حصلتلك حادثة زي:

• عربيتك تتسرق
• حريق
• ان عربية تخبطك أو عربيتك تتقلب
• الفعل المتعمد من الغير اللي بيسبب ضرر للسيارة بشرط أنه يكون مش بيعمل فى خدمة المؤمن له

تأمين السيارات مش بيغطي ايه؟

وثيقة تأمين السيارة مش بتغطي أضرار السيارة اللي بيكون سببها السباق أو اختبار السرعة او جر مقطورة في حالة ان السيارة مش مجهزة لدا، و دا معناه ان الوثيقة مش بتشمل استخدام السيارة للسباقات او تجربة السرعة و قوة احتمال السيارة.

اعرف اكتر عن ايه هى تغطية مسؤولية الطرف الثالث في تأمين السيارات؟

طب سائق السويس هيستفيد من التأمين؟

الإجابة إن في حالة سائق السويس، قيادته للسيارة بتهور ورعونة بتثبت إن دا خطأ متعمد منه، وبعض الشركات في الأغلب هترفض التعويض عن الخسائر اللاحقة بجسم السيارة.

اعرف أكتر عن مصطلحات التأمين من هنا: أهم المصطلحات التأمينية اللي هتساعدك لما تقدم على تأمين